Herêma Şehba de 100 na vêşî Kurdî verîya 5 rojan hetê çeteyanê 'Mertalê Firatî’ yê Tirk ra amey remnayîş. Nê Kurdan ra heta nika xeberêk nêamê girewtiş.
Çeteyê ke girêdayê dewleta Tirk ê, dest bi dagirkerdişê herêmanê Bakurê Sûrîye kerdî, verîya 5 rojan eştî ser dewanê zey Til Circî, Sosinbat, Nûman, Qibşîh û Kelbenê ser. Çeteyan bi desan Kurdê sivîl remnay.
Çeteyan bi konvoyêka 35 wesayîtan ra ya, bi rayverîya efserêke Tirk o bi nameyê Ramazan Osmanoglû eşt dewan ser. Welatijo ke nêwaşt nameyê xo bido ciresna ke, çeteyan 100 ra vêşî kesan remnay û nêzanê ke berdîye kotî. Welatijî da zonayen ke sereştişo ke bi şew virazîya de çeteyan înan rê heqaret kerdo û va, “Destûr nêday ke ê kincanê xo zî xo ra kerê, day keyney û cinîyan ro. Vatî, “şima dê waştena xo bi DAIŞ ra bîyarê.” Çîyê ke DAIŞî nêkerdî, ma dê şima rê bikerê.”
Ma do no zilmî qebûl nêkerê
Goreyê agahîyanê ke welatijî day, sereştişî de çeteyan dest nay wesayît, telefon û pereyê însanan ser o. Welatijî da zonayen ke çeteyan vato, ‘Cayê şima Kurdan nê dewan de çin o, tîya ra bivejyê û şirê’ û wina va: “Dewleta Tirk û çeteyê ci zilmî ma rê kenê. Ma do no zilmî qebûl nêkerê. Ganî şarê ma, dostê ma no zilmî qebûl nêkerê. Ma zî keyeyê xo, ser axa xo de ciwîyenê. Bi binlingkerdişê namûsê ma, rûmeta ma ra wazenê dest ronê ser keye û milkê ma. Ma dê vernîya no zilmî de vilê xo çewt nêkerê. Şarê ma ra xeyrî kesê ma çin o. Nayî ra ma veng danê herkesî ke wayîrê ma bivejyê.”
ANF/ŞEHBA