Derheqê 12 kesan de dawa akerdî û 7,5 ra heta 15 serran cezayê hepis yeno waşten. Îdianameyo ke derheqê 12 kesan de ame hadre kerden de mertalê ganî zey ‘poştdayoxê rêxistina terorî’ ameyê biname kerden. Derheqê mertalanê ganî de 7,5 ra heta 15 serran cezayê hepis yeno waşten.
‘Waştî ganî bi ganî biveşnê!’
Heto bîn ra vejya teber ke 34 dewijê ke Licê de amey binçimkerden hetê lejkeran wazîyay ke bi benzînî ganî bi ganî bîrê veşnayen. Hemserokê KCD Hatîp Dîcle û Hemseroka DBP Sebahat Tûncel hayr antî bîyayiş ser. Dîcle da zanayiş ke Licê de 34 kesî bi seatan wazîyayî biveşnîyê û aşkere kerd ke jû rêxistina tarî ke nameyê ci nîno zanayiş vejyaya werte.
Tûncel zî hayr ant bîyayîş ser û vist vîrî ke wextanê peynî de tayî kesê ke zey çeteyanê DAIŞ hereket kenê Licê de benzîn rijnay ser 34 kesan ser û waştî ganî bi ganî biveşnê. Tûncel aşkere kerd ke Licê de kesê bi herdişî û ser qolanê ci de nuşteyê bi erebî vatîyê ‘ma ameyê şima biveşnê’. Tûncel persa ‘nê kesî girêdayê Efkan Ala yê, ya zî girêdayê Erdoganî yê? kerd.
DÎHA/AMED