Bi hezaran Kobanêyiyan doh cenazeyên şervanên YPG/YPJ`ê  Ehmed Qadir (Canpolat Cudî), Ruqeya Hirco (Newroz Zagros), Rewşen Gabar (Amara Cudî), Farûq Sara Kaya (Çiya Botan), Bêrîvan Dinbic (Bêrîvan Asî Turkmaz), Basil Bozî (Serhed Kobanê), Amar Akceman (Alîşêr Amed), Endamê Hêzên Asayîşê Cihad Misko, Endamê Yekîtiya Ciwanên Rojava Rêber Silêman (Fîras Kobanê) û 2 tekoşerên ku navê wan nehatin zanîn ên di berxwedana Bendava Tişrînê de jiyana xwe ji dest dayî, Şervanên Tabûrên Şems El-Şemal Ibrahîm Alî û Bilal Berkel (Artêş Şemal) ên di operesyona Şehîd Fermandar Feysel Ebû Leyla ya rizgarkirina herêma Minbicê ji çeteyên DAIŞ`ê de jiyana xwe ji dest dayî, li Goristana Şehîd Dîcle ya li gundê Termîk ê Kantona Kobanê oxir kirin.
Di merasîmê de Fermandara YPJ'ê Rojda Qamişlo, Rêveberê Hêzên Asayîşa Kobanê Salih Kobanê, Şêwirmenda Rêveberiya Xweseriya Demokratîk a Kantona Kobanê Rûken Ehmed û Berdevkê Meclîsa Têkiliyên Giştî ya Tabûrên Şems El-Şemal Reşo Xelîl axivîn û diyar kirin ku, eger van têkoşeran canê xwe feda nekiribûna, îro gelê Kobanê li ser axa xwe azad nedijiya. Di axaftinan de her wiha hate destnîşankirin ku, ew ê tekoşîna xwe ya ji bo pêkanîna jiyaneke azad û bi rûmet bidomîn û doza şopandina rêya têkoşeran dubare kirin.
Piştî ku axaftin bi dawî bûn, wesîqeya şehadetê ya têkoşeran ji aliyê Endama Saziya Malbatên Şehîdan Roceng Hac Kero ve hat xwendin û radestî malbatên wan hat kirin.

Cenazeyên têkoşeran li ber tilîliyên dayikan û dirûşmên dilsoziyê hatin veşartin.

ANHA/KOBANÊ