AKP no warî de operasyonê hewayî virazena û yew hetî ra sivîlan qetil kena û yew hetî ra zî îşkence û tecawiz ramnena. Bi awayo aşkera Qandîl de dewa Zergelê de qirkerdişê sivîlan viraşt û dima zî vat ma qampa PKKî bombevarnayîş kerdê
Hukimata AKP hemverê şarê kurdan topyekun şer îlan kerd. AKP weçînayîşê 7’ê hezîranî ra tepîşê heyana ewro 7 provokasyonî û qirkerdişê girdî viraştî. Labelê no warî de hem Tevgera Azadîya Kurd û hem zî HDP hemverê qirkerdişê nê provokasyonê AKPî ra zaf aqilî selîm hareket kerd. No warî de weçînayîşê 7’ê hezîranî ra dime provokasyonê AKP ancî dewam kerd.
Rewna biryarê şerî
Amed de 9’ê hezîranî de 3 sîyasetmedarê kurd amey qetilkerdiş û ti ra dime zî Pirsûs de 31 ciwanê sosyalîstî amey qirkerdiş. Labelê no warî de hem hukimata AKP û hem zî çapemenîya tirk hemverê nê qirkerdişan de qet muyê xo nêleqna. Labelê seba ke Riha de 2 polêsî amey kiştiş û ti ra dime zî AKP û çapemenîya tirk qîyamet qerfnay. Qirkerdişê nê provokasyonan de bi seyan merdimî amey qetilkerdiş û di lab hîrê lab zî birîndar bîyî. La gelo gonîya nê polêsan hende merdiman ra hîna zaf qîmetdar bîyî? Şûrekaya AKPî xo mîyanî de rewna biryarê şerî dayî la no warî de şarê kurd firsat nêda nê provokasyonanê AKPî ra. Na ra zî şûrekaya AKPî kiştişê nê di polêsan kerd mehne û bombevarnayîşê teyaranê şerî dest pê kerd. Her roj şûrekaya AKP bi seyan reyde teyareyê şerî weriznaya koy, kaş, dere û daristanî bombevarnayîşî kerdî. Kinaro bîn ra zî her roj operasyonê qirkerdişê sîyasetmedaran dest pê kerd. No warî de verê coy çeteyê DAIŞî mehne kerdî, bi hesaban ra nê operasyonê hewayî hemverê DAIŞî viraştê. Labelê no warî de adrese bedilnay herinda DAIŞî de operasyonê hewayî hemverê PKK û YPGî viraşt.
Na ra zî Silopî de qirkerdişê sivîlan viraşt
AKP no warî de hem operasyonê hewayî virazena û yew hetî ra sivîlan qetil kena û yew hetî ra zî îşkence û tecawiz ramnena. Bi awayo eşkera Qandîl de dewa Zergelê de qirkerdişê sivîlan viraşt û ti ra dime zî Erkanê Pêroyîne aşkerayî da û vat ma qampa PKK bimbardiman kerde. No warî de AKP verbê heme çimanê dinya ra ewnîyay zurikereya xo dewam kerde. Na ra zî Silopî de qirkerdişê sivîlan viraşt û nê qirkerdiş hema zî ramîyeno. Geverê Colemêrgî de polêsê AKP hewayê çeteyê DAIŞî şarî rê îşkence kenê. AKP ewta de vana; ez dewlet a; ez şima qetil kena, kişena û bê siwal tepîşena, hepis kena û şima zî dest û polê xo beste, îradeyê xo ma ra teslîm bikerê. Ma hem şima qetil kenê û hem zî şima nêeşkenê ke cenazeyanê xo bigîrê û goreyê irf û edetê xo reyde defin bikerê.
Enka zî werte de yew gayrî meşru hukimat esto
No hewa rewşa faşîzane ne demê 12 Êlule de bîy û ne zî demê Çîler û Agarî de bîy. No warî de AKP seyî ke kurdan newe ra kifş kena û hêzê xo yo faşîzan nawnena û newe ra Genaralanê qirkerdişî û tecawizkaran erşawena heremê Kurdistanî. No warî de hesabê AKP 7’ê hezîranî de nêtepişt û no warî de ancî zî qirkerdişanê xo dibare kena. AKP no warî de kena ke hewna weçînayişê rewî bivirazo û HDP binê bendî de biverdo û sernawera padîşayeya xo biramno. Enka zî werte de yew gayrî meşru hukimat esta û nê hukimato gayrî meşru kena ke nê firsetî de seba padîşayeya xo heme ecêbtî bikera. Labelê no warî de AKP bi rewşa verênî ra verê coy balte dana linganê xo ro û peynîya xo ana.