Festîvala ke ewro despa kena heta 31ê Temmuzê ramena. Rîwalê qewimyayişan konserî îptal bî û çarçoveyê festîval de zîyaret, panel, damusnayişê film esto. Yardimkarê Hemşaredaranê Dersim û Azayê Komîteyê Hadreyîn yê Festîival Îbrahîm Kasûm veng da Dersimijan ke tewrê festîval bibê û wayrê xoza, ziwan û hardê derwêsî bivejyê.
Spekulasyonî raşt nîyê
Kasûmî hayr ant armancê viraştişê festîval ser û vist vîrî ke hedefê înan no wo ke kesê ke şîyê Dersim biresnê dew, mezel, geleneg û kulturê xo. Kasûmî aşkere kerd ke gunê Dersimijî dûştê polîtîkayanê çinîkerdin xover bidê û vist vîrî ke spekulasyonê ke ser medyaya sosyal de vila benê raşt nîyê. Medyaya sosyal de spekulasyonê zey ‘festîval te tîvarîya kesî çinya’ yeno vilakerden.
Azayê Komîteyê Hadreyîn yê Festîival Îbrahîm Kasûmî da zonayene ke sebebê esasî yê spekulasyonanê zûrî tolvetişê festîval û polîtîkayê bêmordem ternayiş o. Kasûmî aşkere kerd ke gunê kes gos medo nê zûrîyan û bi quwetekê gird tewrê festîval bibo. Kasûmî vist vîrî ke zey Komîteyê Hadreyîn hetê tîvarî de tedbîrî ameyê girewten û va ma şarê ma zerrîters û bi qaxû nêbo. Kasûmî veng da Dersimijan ke biresyê Dersim, Mûnzûr, xoza û jîyarê Dersim.
Mitîngê ‘Derbe rê nê, demokrasî nika’
Festîval 16. ya Xoza û Kultur yê Mûnzûr ewro bi viraştişê mitîngekê destpa kena. Mitîngê ‘Derbe rê nê, demokrasî nika’ bi tewrbîyayena Hemseroka HDP Fîgen Yuksekdag ewro seat 16.00î de Meydanê Seyîd Rizayî de destci keno.
Mitîngî ra dima seat 18.00î de Jara Gole Çetû de bi fiştrayenê çilayan hetê Ana û Pîran Festîval dest kena ci.
DÎHA/DERSIM