Samî bal ant ser sebeba xoradayîşê cilanê sîyayan û vat: “Rojo ke Rayverê Şarê Kurd Abdullah Ocalan ameyo girewtiş heya nika min zaf çîyan xo rê qedexe kerdo. Bi taybetî xoradayîşê cilanê renginênan, werdişê werdê weş min xo rê qedexe kerdo. Min nînan sey qural eşt vernîya xo û heta ke Rayver Apo azad nêbo zî nê quralan xirab nêkena.”
Tecrîd qebul nêkena
Samî ard ziwan ke ya tecrîdî qebul nêkena û wina dergeyî da qalîkerdişê xo: “Ti kes tecrîdo ke bi zorî ser rayverê şarek yeno kerdiş qebul nêkeno. Na semed ra zaf embazêy ma semeda girewtiş û tecrîdkerdişê Rayvertî sero bedenê xo eşt mîyanê adirî. Wexto ke bi zorî porê Rayvertî ame qesnayîş, min zî bi qesnayîşê porê xo nînan protesto kerd.”
Semeda Şaran Têkoşîn
Samî ciresna ke wexto ke Rayverê Kurd Abdullah Ocalan Lubnan de bi min ci rey de pêvînayîş kerdbi û wina domna: “Wexto ke Rayvertî Lubnan de bi semeda firazkerdişê 15’ê tebaxeyî ma seyî yew grube ma şîy hetê ci. Wexto ke ma şînê semeda asayîşî ma rê nêameynê vatiş ke Rayvertî Lubnan de yo. Çimkî aye wext hedreyîya dewleta tirk a semeda operasyonî estbi. Vînayîşê Rayvertî semeda ma seyî xeyal bi. Wexto ke min Rayvertî dîy ez zaf bi heyecan û kêfweş bîya. Ma waşt ke yew bi yew Rayvertî virar bikî la embazan nêverda. Wexto ke mîyanê ma de yew may ısrar kerd, Rayvertî vat ‘veradê wa bêro’ û aye may fersenda virarkerdişî dî. Virarnêkerdişê min hîna zî mîyanê min de sey yew girê vinderte ya. Rayvertî yew roc perwerde da ma.”
Îradeya cenî vet
Samî ard ziwan ke Rayvertî îradeya cenî veto werte û wina vat: “Eyro xoverdayîşê YPJ û pratîka Zîlan û Berîtan de zî ma no veynenî. Rayvertîya ma tena semeda şarê kurd rayvertî nêkerdo, semeda heme şaran têkoşîn meşneno. Girankerdişê tecrîdî têkşîyîşê AKP ya weçînayîşan ra girêdaye yo. Êy nêşkenî bidekewîy beyntarê ma û Rayvertîyê ma. Ez wazena Serra 2015 bibo Serra azadîya Rayvertîyî. RIMELANKutu---
28 serrî yo ke têkoşîn dana
ESMA MURAD SAMÎ ke hemverê hêrişêy ke kurdan sero benî ra no 28 serrî yo ke tekoşîn dana, protestoyê xo her cayê cuyeyî de nîşan dana. Samî rojo ke Rayverê Kurd Abdullah Ocalan ameyo girewtiş ra heta nika cilanê sîyayan xora dana. Samî 1987’î de beşdarê xebatêy polîtîk bena û hetanî 2005’î keye bi keye, papûle bi papûle xebat day meşnayîş. Bi awankerdişê Yekîtîya Starî de zî seyî awankerdox cayê xo gêna û demo ke derg raybertîya ci zî kena. Samî nika zî Komîsyona Huqiq ya Meclîsê Yekîtîya Starî de xebatêy xo domnena.