Împaratoriya Osman girs û hîra biye. Iraq, Îsraîl, Urdun, Lubnan, letêde Suudî Erebîstan, pêro binê hukmê Osman de bî. Tabî Balkan û Afrîka Bakur de xêle cayê bînî....
Nêmê dîna binê hukmê Osman de bî, hama canê xo qurdî biyenê.
Amnonê serra 1914 herbê virenî yê dîna dest kerd ci, 4 serrî devam kerd.
Herb de 17. mîlyon însanî kişayî.
70 mîlyon însanî esker bî, dênê pêro.
40 dugelan dîrekt ya zî îndîrekt herb de ca guret.
Her kes kuno herb, ma Osman vindeno.
Osman zî kaleka birayê xo almanî de kewt herb. Tabî almanan zî Tertelê Ermeniyan de cirê yardim kerd.
Hama mesela tabî honde niya. Ermenî qirkerdî, xêle çî kerd vînd.
Herbo viren yê dîna ke qediya, Împaratoriya Osman zî qediye.
Balkan şî, Afrîka Bakur şiye, Suudî Erebîstan şî, Rojhilatê navînî şî, her kes xorê şî.
Osman Ermenî qirkerd bî.
Destê Osman de teyna letêdê Kurdistan mend bî. Kurdistan bi destê xiyanetkaranê zerrî Osman dest de mend. Eke Kurdan xorê xiyanet nêkerdenê, Kurdistan zî ewro serbest bî.
Serre 2012 ewro onca canê Osman qurdî beno.
Sifir problem ra, her kes de, pêro cirananê xo de bî dismen Osman. Cîranê xo jê dismenî îlan kerdî.
Recep Tayyîp Erdogan tam jê demê merdena Osman hereket keno.
Hîrê hetê xo bi awe ceriyê, nêmgirawa Tirkiye, hama 4 hetê xo bi dismenan amo guretene. Nî dismenî ebi xo pêda kerdî, tornê Osman.
Dîna biya soja sure, gîrîna. Bi taybetiye Rojhilatê Navînî gîrîno. Mirê hen yeno ke, na mesela teyna bi herb yena halkerdene.
Omid mi na wo ke, peyniye de Kurdistan zî beno serbest. Qeke nê, kurdî heqanê xo cenê û Osman dest de tewa nêmaneno.
Na raye xêre ser Tirkiye bena 3 leteyî!
Hetede Estemolo xoser, hetede Kurdîstan, çike peyser mend zî beno Tirkiye newiye.
               
***
Endî beso! Nika tam waxt o: Sazî, dezge û rêxistinê ma gune endî tirkî weşiya xora vezê. Rojnamê ma gune pelganê tirkî kêmkerê, televziyonê ma programanê tirkî kêmkerê, siyasetvanê ma eskerakerdîsan bi zonanê kurdistanî bide.