Serva viraştişê makeqanûna newî AKP, CHP û MHP bê HDP no hefte destpa pêdiyayinan kenê. Serokwekîlê Koma HDP Îdrîs Balûkenî bê ke HDP viraştişê pêdîyayişan rê nêrazîbîyen damûsna û va wazenê makeqanûna 1924î aktuel bikerê.
Badê hewldayenê derbeya 15ê Temmuze Reîscûmhûrê Tirkîye Erdoganî bi CHP û MHP destpa ronayişê ‘Cepheyê Mîllî’ kerd. Çarçoveyê na cephe de serva viraştişê makeqanûna newî bi CHP û MHP destpa pêdiyayinan kenê. La partîya 3. ya gird HDP tewrê nê pêdiyayinan nêkenê. Serokwekîlê Koma HDP Îdrîs Balûkenî ke nayî rê nêrazîbîyenê wişk damûsna vist vîrî ke îradeyekê 6 mîlyon reyî giroto çinî yeno hesibnayen. Balûkenî da zonayen ke rihê makeqanûna 1924 wazîyeno hetê AKP, MHP û CHP bîro aktuelkerdiş.
Peyser ageyrîya 1924î
Îdrîs Balûkenî vist vîrî ke zey HDP înan hewldayenê derbe rê tewrekê zelal damûsnayo û hina va: “Rimnê no tewrê ma hetê bloka netewperest HDP çinî yeno hesibnayen. Fotografo ke zîrweyê lîderan û Yenîkapi de ame dayen, damûsneno ke dema newî de HDP do çinî bîro hesibnayen. No fotograf damûsneno ke cepheyê netewperest do serva demokrasî û haştîya civakî nê, zey 90 serran tewrekê înkar, îmha û asîmîlasyonî esas bigîro. Ewro kî rihê makeqanûna 1924 hetê AKP, MHP û CHP yeno aktuelkerdiş.”
Pêrokîn ‘yê bînan’ çinî hesibnenê
Parlementerê Amed yê HDP Îdrîs Balûkenî da zonayen ke çinî hesibnayişê HDP, çinî hesibnayişê kurdan, alewîyan ra pîya çinî hesibnayişê pêrokîn leteyê bindest û yê ke zey ‘yê bînî’ amey îlankerdiş o.
Balûkenî no hewldayen zey waştena ser şaranê Tirkîye rê ferzkerdişê zihnîyetê jûjûyî, statukoperest û hegemonîk hesibna û va pêrokîn çormeyê haştîwaşt zanê ke tîya ra çarekerdişekê nêvejîno.
Îdrîs Balûkenî da zonayen ke zey HDP înan gureyînanê makeqanûna newî de serva teklîfê tewr demokratîk teqdîr giroto û va no tewir û hewldayenî xeynê tengî û vêşîkerdişê kaosî, xorînkerdişê nêçarekerdişî ra ravey nêşinê.
‘Çarekerdiş nêvejîno’
Serokwekîlê Koma HDP Balûkenî aşkere kerd ke “Cepheyê Mûtabeqatê Mîllî” pêdîyayinanê letekerdişê dewletî rameno û hina dewam kerd: “Hona zî dewlet zey amûrekê îxtîdara ke mavêna nê hîrê partîyan de bîro letekerden vîniyena. HDP nê pêrokîn nêzdîbîyayişan red kerdo. Heta ke formulê dewlet plûs demokrasî ke nezdîbîyayişekê azadîya kesî û civakî ferz keno esas nîro girotiş çarekerdişê meseleyan nêvejyeno.
DÎHA/ENQERA
Serva Emeg û Demokrasî ‘Jûbîyena Quwetî’
AKP, CHP û MHP Yenîkapi de dûştê kurdan û qûwetanê demokrasî cepheyê faşîstî ronay. Dûste nayê de kî xêlê partî û rêxistinan ‘Serva Emeg û Demokrasî Jûbîyena Qûwetî’ îlan kerdî.
Sendîkayê KESK, DÎSK, TMMOB û TTB yê ke heta ewro pîya hereket kerdî, qerarê jû kerdişê qûwetê xo guretî. Vizêr Enqera de serokanê rêxistinê kar û sendîkayan demê newîye sero eskerakerdis dayî. 20 saziyê bînî ke poşt dayî na qerar rê. Salone de panqarta ’Verra faşîzmî, darbe û OHALî qûwetê xo kemê jû ' darde bî. Hemserokê HDP Selahattîn Demîrtaş kî kombiyayis de ca guret. Hemserokê KESK Lamî Ozgen namê rêxistinanê kar û emegî ser o eskerakerdis da. Ozgenî deklerasyono ke verra faşîzme, darbe û OHAL ameyo hadrekerden bare kerd.
AKP zî mesûlê derbe ya
Deklarasyonî de hayr ancîyay polîtîkayanê hikûmet ser û nîya vajîya: “Polîtîkayanê AKP Tirkîye ardê gucike tirrî û darbeyan rê kî biyê binge. Hadrekerdişê bingê derbeyî ra jû kî AKP mesûl o. AKP derbe mane kerdena nêqîyanê xo dana ramitene.”
Lamî Ozgenî va “zoneme ke na şîyayis teyna tekoşîna qûwete ke hetê demokrasî, haştî, emeg û wayî-birayene de rê besekene bivindarne” û aşkere kerd ke serva wayîrvejîyayişê ameyena xo, serva serbestîye, têdûstî û edalet ameyê têhet, poşt danê jûbîn.
Qûweta Jûvîyayene hera keme
Ozgenî qiseyanê xo nîya ramite: “Ma qûwete ke hetê demokrasî, haştî û emeg de rême, serva ameyena rindek bi omid, qerarî, seweta tekoşîne berz kerdene, ameyî mi têlewe. Naca ra bare keme ke Serva Emeg û Demokrasî Qûweta Jûvîna roneme.”
Ozgen da zonayene ke rozane virniya ma de wazene na Qûweta Jûvîyayene jedena hîra bikerê, her ca de rêxistin bikerê. Zerrê Qûweta Jûviyayene de Rêxisitine jê HDK, HDP, ESP, EMEP, DBP, Halkevlerî, Komela Haqanê Mordem, Wakfa Haci Betaş-i Welî, Komalanê Kultur yê Pîr Sûltan Abdal, Federasyonê Alevî Bektaşî, Komelanê Demokratîk yê Alewî ca gênê.
DÎHA/ENQERA