Kurdistan de roje çin a ke domanî bi teqayîşê muhîmatê ke hetê leşker û polîsan ra erzîyenî raşteyan ver nêmirî. Tewr peynî qezaya Pêrtagî ya Dêrsimî ra girêdaye dewa Sagmanî de, wexto ke domanî newala çemî ya dewe de kay kerdêne, teqayîşêk qewimîya. Netîceyê teqayîşî de domanê bi nameyê R.K û T.K birîndar bîyî.
Her di domanî sewqê Nêweşxaneyê Dewlete yê Pêrtagî ameyî kerdiş û dima ra neqlê Nêweşxaneyê Cigêrayîşî yê Unîversîteya Firatî ameyî kerdiş. Goreyê raporo ke Tirkîya pêşkêşê Miletê Yewbîyaye kerda; tena Dêrsim de 10 hezar û 557 mayînî binê erdî de nimite yî. Goreyê Peymana Ottawa ganî mayînî 2004 ra dima biameyêne pakkerdiş. Labelê no het de averşîyayîş çin o.
DERSIM