Her serrnewe merdiman de hêvîyanê girdan awan keno. Cinîyê Kantonê Cizîrî yê Hesekê ra Endamê Hêzê pawitişê Komelî yê Cinî (HPC - Jin) Zehra El – lzoye, Endama Şaredarîya Şar yê Hesekê Mehabad Şêx Sadûne û rotox Şêrîn Zavêye serrneweyî ser o qisey kerdî.
Zehra El-Izoye qala têkoşînê cinîyan yê ke serra 2016 de dayî, kerde û wina va: “Serra 2016 de çeteyê DAIŞî zaf dewe û qezayan vila kerdî. Ma cinîyî zî vera çeteyanê DAIŞî de şer kerd. Bi felsefeyê Rayber Apo, cinîyî zaf hetan ra bedilîyayî û duştê têkoşînê xo berz kerdî. Ma bawer kenî ke 2017 bibo serra weşî, kêfweşî û aramî. Serra newe do biba têkşîyayîşê çeteyanê DAIŞî.”
Azadîya rayber Apo
Mehabad Şêx Sadûne zî qiseykerdişê xo de bale ante zehmetîyanê serra 2016 û va: “Serra 2016 de hetê cuye, ekonomî û sewbîna zaf hetan ra ma zehmetîyan ant. La çiqas ke ma zehmetî ant reyna zî hêzê ma yê pawitişî YPJ û YPG awan bî. Cinîyan her het ra xo îspat kerdî. YPJyo ke hêzê cinîyan o, heme dinya de veng da. Sey ke Rayber Apo zî vano, ‘şorişo ke cinî tede bibo, o şoriş do ser bikewo’. Ma zî bi nê esasî hereket kenî. Ma do heta peynî seba azadîya Rayber Apoyî têkoşîn bidî. Serrneweyê Rayber Apo û şarê kurd pîroz bo.”
Şêrîn Zavêye zî kêfweşîya xo ya serrneweyî wina va: “Ez wazena ke erdê xo de bixebetya. Serrnewe do azadîya Rayber Apoyî biyar o. Ma saya hêzê YPJ û YPGyî de bi hawayo asanî cuyenî. Ma hêvî kenî ke 2017 de şerê Sûrîye biqedîyo û bibo serra binkewtişê dişmenî.”
ŞÛJIN / HESEKÊ