Homara 25. de hayr anciya ravêrşiyayişê siyasî ser û niya vajiya: “Ameyişê şaranê mazlûm her roz hona jêde yeno tarîkerdin. Cizîr, Şirnex, Sûr û xêlê sûkanê antîk de merdis geyreno. Kuçeyan de, cenî, domanî, kal û pîrî yenê gulevarankerdin.
Kovarî de vajiya ke, sûkê kurd nika şibenê sûkanê Filîstîn ke, girotiyay bin ablûqa û persê, haşitî çiwext yeno no hardî ser. Polîtîkayê şîdet yê hikûmeta tirk ya misilman, yê verra şarê musulman kurdan do çiwext biqediyo’ amey kerdin û niya vajiya: “Kamcî ayeta Qur-anî vana ke, rijnayişê goniya misilmanan helal a?
Nuşteyê edîtoriya de ame vaten ke, verra vinderdişê Îbrahîman, Fîravûnî dê vindî bikerê û çinîbê. La ziwan, kiltûr û welatê şarê mazlûman do cayê xo de bimano. Kovarî de hayr anciya rociyê haştî yê Pîranê Alewî yê Dersim, nûmayişanê şarî û qetilkerdişê Tahîr Elçî ser.
Nuşteyê “Îtiqat ê Raa He”
Kovara 25. de hayr anciyeno “İtiqat é Raa Heq” yê alewiyan ser. Cîhan Kandîl’î derheqê Rêya Heq-Alewitî û Problemê Rocane ser de niwîsna. Erdogan Yalgin’î çarçoveyê Termînolojîyê îtixqatî de Îtiqatê Rêya Heq de niwîsna. Edîbe Şahîn nuşteyê ‘Tîja Kaînatî’, Xelîl Dalkiliç’î nuşteyê ‘Heq Raya Şiyayişê Raştî ya’, Daîmî Dogan’î nuşteyê ‘Raa Heqiye de Roceyî’, Mûrat Işık’î nuşteyê Dersim Raa Haqi’, nuşteyê Îbrahîm Beyaz’î ‘Gimgim de, Kayê Qilerinî Yenê Kaykerdêne’ û nûşteyê Nesrîn Akgul, Elîf Sonzamanci û Can Kasapoğlu Homara 25. de ca gênê.
Kovarî de waştena ameyina haştî û birabiyen amê ziwan û vajiya ke, Xizir yar û yardimkarê sima bo.