Akademiya Şehîd Çekjîn li bajarê Girkê Legê îro merasîma bi dawîkirina perwerdeya leşkerî û bîrdozî ya bi navê Şehîd Çekdar Rûstem ji 27 ciwanên ku nû tevlî nava refên YPG’ê û YPJ’ê bûne, li dar xist. Di merasîmê de endamên Meclîsa Leşkerî û bi dehan ji şervanên YPG’ê û YPJ’ê amade bûn. Perwerdeya ku mehekê dom kir şervanan têde waneyên derbarê dîroka Kurdistanê, dîroka tevgera jinan, bîrdozî, netewa demokratîk, parastina rewa û waneyê leşkerî û şêwaza bikaranîna çek û alavên leşkerî hatin perwerdekirin.

Di merasîma bi dawîkirina perwerdeyê de Endama Meclîsa Leşkerî ya YPJ’ê Zozan Cûdî axivî û bi dawîkirina perwerdeyê li şervanan pîroz kirin û wiha got: “Serkeftinên şoreşa Rojava serkeftina hemû gelên Rojhilata Navîn e. Serkeftina şoreşa Rojava bi xurtkirina YPG’ê û YPJ’ê ve girêdayî ye.” Zozan di berdewama axaftina xwe de destnîşan kir ku rol û erka sereke ya li ser milê şervanên YPG’ê û YPJ’ê ew e ku li hemberî hemû êrîşên hov ên çeteyan derbikevin û herêmê ji wan biparêzin û wiha domand: “Hemû destkeftiyên gelê Rojava bi saya xwîna şehîdan pêk hatine.” Di dawiya merasîmê de şervanên nû sûnda leşkerî xwarin. 

GIRKÊ LEGÊ