Wekîlêy profîlê namzedêy HDPî yê ra Uşakî bala merdiman 2 hebîy oncenêy. Yew Mustafa Kizildag o; 3 rojan pazarî de karê semedê debara xo bikero keno, rojêy bînî zî xebata weçînayişî dewam keno. Yên bîn zî Hanîfe Guzel a. Maya 3 gedeyan a û 13 serreya xo de bi zorî ameya zewijnayişî.  

HDP bi şîyara ‘Cuayişê Newe’ xebatêy xweçînayişî dewam kena. Cayê xebatan ra yew zî bi 349 hezar û 900 nufûsa xo Uşak a.  248 hezar û 432 rayê ci estêy. Tîya de nezdîyê 30 hezar wendekarêy zanîngehî zî estêy. Weçînayişê 30 adar 2014 de HDPî ra nezdî 800 ray vejyay. Weçînayişê serekomarî de zî 6 hezar vejyayo. No hal zî zey zaf cayan bîyo nêhezmkerdişê tikeyan. Çend rojan verî zî Uşakî de zî herîş virazya la se beno wa bibo xebatêy weçînayişî nêdayê vindertiş û xebatîy dewam kenêy. 


Rayîra serkewtişî

Namzedêy wekîlêy HDPa Uşakî ra Mustafa Kizildag serra 1982 de sîyasî ra Agirî ra koçê tîya kerdêy. Dewreke serekeya HADEPî û Partîya Ozgur Toplum (ODP) kerdo. 7 gedeyê ci estêy. 4 rojêy xo bi xebata weçînayişî, 3 rojan zî xebata debara keyê xo ra pazarî de cilan roşeno. Na gam zî lez dayo xebatê wekîlteyî.


Ez uşakî sinasneni

Kizildagî ard ziwan ke Uşakî zaf nezdîyî ra sinasneno ra bi hawayê aktîf kuno xebatêy weçînayişî yê HDPî mîyan û xebatan bê mîyanin domneno û wina dewam kerd: “

Ewero herîşêy ke HDPî ser de beno bi plankerdişê AKPî benêy. Tîya de verbê kurdan de berteka zaf gird esto. Semedo ke AKPî vat: “Kobanê ha kewt ha do bikûro” ra betekêy zaf girdîy girot. No vatişî ser de kesêy ke ray dayê AKPî anêy ziwan ke do ray mederêy AKPî biderêy îradeya şaran û bertekê xo mojnenêy.”

Kizidagî dergeya qisey xo de bal ant ke muşterîyê ey yê bazarî de yê ey pîroz kenêy û wina dewam kerd: “Muşterîyê min min pîroz kenêy û bi dil û can HDPî bendî ravêrê ra duayan kenêy.”


‘Cenî azadî ana’

Namzeda bîn ya wekîlteyî zî Hanîfe Guzel a. Ay 13 serreya ci de bi zor ameya zewijnayiş. Na gam 3 gedeyê ay estêy. Ard ziwan ke her çiqas Wanî de cuyena se zî ay bi HDPî gama xo eşta sîyaestî mîyan û do heta peynî zî xebatêy xo bidomno û wina vat: “Min cuyayişê xo de semedê cenî biser bikûro zaf tekoşîn daya. No semedî ra semedo ke cenîy heme azad bibêy ra zî tekoşîna min dewam kena. Heta ke cenî azad nêbo civat azad nêbeno. Cenî azadî ana.”

Guzelî bal ant weçînayişêy verî ser û vat: “Selehattîn Demîrtaşî ra 6 hezar ray vejyayo. Tîya de nezdî 20 hezar weçîntoxêy ke koç kerdêy estêy. Ez bîya şahîd ke zafêrî açaryê rayîra raştî ser û kewtêy xebatan mîyan. Zey cenî ez rastê aleqeyeke zaf gird yena. Ez cenîyan ra bîya hêzeke. Vanêy; ‘Eke Kurdistanî ra cenîyek werzena û yena tîya mafêy ma pawena se, ma zî ay ra warêtî kenêy. Ez zî heta ke min ra yeno layîqê înan bibî ra xebatan kena.”

Peynîya qisey xo de wina vat: “Ewro rasteyeke esto AKP gonî vinî kena. Rayna zî ma do ber bi ber bigeyrêy. Uşakî de ma de HDPî berz bikerêy. Ma hevî kenêy ke HDP tîya de wekîleke biveja. Eke ma no weçînayişî de nêvejê se zî weçînayişê ma ver de ma do qetî wekîlan bieşrawê Enqereyî.” 


 DÎHA/UŞAK