Akademîsyen Nurîye Gulmene û Semîh Ozakça çarçewaya Qerarnameyê Hukmê Kanûnî de (KHK) karî ra ameybî îxraçkerdiş. Gulmene û Ozakça seba ke tepîya biagêrî karê xo, grevê vêşanî daybî destpêkerdiş. Çalakîya înan roja 344. de dewam kena.
Heto bîn ra Cehdeyê Yukselî yê Anqara de zî her roje çalakgerî seba ke piştî bidî çalakîya Gulmene û Ozakçayî çalakîye organîze kenî. Xoverdayîşê Cehdeyê Yukselî zî roja 364. de dewam keno.
Vizêr saetanê serê sibayî de polîsan eşt ser keyeyanê xoverdakaranê Cehdeyê Yukselî û 3 cinîyê xoverdakarî tepişti. Kesê ke ameyî tepiştiş nê yî; Sultan Aydogdu, Pinar Karunele û Razîye Ozdemîre.
JINNEWS/ANQARA