Operasyona hêzên YBŞ û YPJ Şengal li Geliyê Şîlo yê dikeve rojavayê Şengalê destpêkirine, didome. Nûçegihanê RojNews ê herêmê ragihand ku şevê din çeteyên DAIŞ’ê derdora saet 03.30’an de êrîşî sê girên şervanên YBŞ û YPJ Şengalê lê bicih bûne, kirin. Li vir pevçûnên dijwar ên navbera hêzên YBŞ, YPJ Şengal û çeteyên DIAŞ’ê heya saet 08.00’ê sibehê dewam kir. Di van pevçûnan de derbeyên giran li çeteyan hatin xistin.
 Li gorî agahiyan di şerê ji şevê din heya saet 08.00’ê serê sibehê dewam kir de, 30 çeteyên DAIŞ’ê hatin kuştin û 22 termên çeteyan jî ketine destê hêzên YBŞ û YPJ Şengalê.
 Her wiha hat ragihand ku gelek çeken aîdê çeteyên DAIŞ’ê ji aliyê şervanên YBŞ û YPJ Şengalê ve hatin desteserkirin. 7 Kalaşnîkof, 2 çekên M-16 û yek çeka B-7 roket avêj ketin destê şervanên YBŞ û YPJ Şengalê.
 
‘Hêzên hevpeyman destekê nadin’

 Her wiha nûçegihanê me ragihand ku operasyona hêzên YBŞ û YPJ Şengal li dijî çeteyên DAIŞ’ê dane destpêkirin, hêzên hevpeyman bi ti şêwey destek nadin û li rexmê vê hêzên YBŞ û YPJ Şengalê ber bi pêşde diçin.

ROJNEWS/ŞENGAL