Komeleya Xebatê Çapemenî û Huqûqî (Media and Lawa Stûdîes Assocîatîon-MLSA), seba piştîdayîşê rojnamegeranê ke yenî tepiştiş, tewqîfkerdiş û taqîpkerdişê doza înan 2017î de ameye awankerdene. Hemdşrektora komeleye Bariş Altintaşe derheê xebatê komele de malumatan daye. Altintaşe dîyar kerde ke hetê huqûqî de 7ê ci tewqîfkerde ê piştî danî bi desan rojnamegeran.
Altintaşe daye zanayene ke ê hem welat û hem zî teberê welatî de dozê rojnamegeran kenî rojeva rayapêroyî kenî û va: “Seba kem a nameyê înan vila bikerî, ma xebetîyenî. Ma seba rojnamegeran û seba pawitişê avûkatanê înan perwerde danî. Tirkîye de bi taybet rojnamegerê kurdî yenî binpaykerdiş û no bi destê muhakeme yeno kerdiş. 9 serrî ceza dîya rojnameger Nedîm Turfentî, la dosyayê ci de ti delîlêk daxî çin o. 20 şahid etî û 19ê ci dîyar kerdî ke binê îşkence de îfadeyê înan ameyo girewtiş.”
Hêrişêko topyekun esto
Altintaşe tewr peynî wina va: “Rewşê winasî de çîyo ke destê ma ra bêro oyo ke ma muracatê Mehkemeya Heqanê Merdiman ya Ewropa (MHME) bikerî. Ma bawer kenî ke do MHMEye de netîce bêro girewtiş û Tirkîye goreyê qerarî têbigêra. Hemverê çapemenî de hêrişêko topyekun esto. OHAL de 300 rojnamegerî erzîyayî zindanan û her çiqan ke qismêk înan serbest bêrî veradayîş zî tena 15ê ci juracatê MHME kerdî. Sebebê oyo ke avûkatê înan çin î û nêeşkenê xo biresnî MHME. Bêedaletîyêko gird esto.”
AMED