Serrgêra 24. de 33 canê ke Otelê Madimakî yê Sêwazî de ameyî veşnayîş ameyî yadkerdiş. Bajarê Ewropa Bern, Zurîh û Lozanî de merasîmê yadkerdişî ameyî organîzekerdiş û 33 roşnvîrê ke Sêwaz de ameyî yadkerdiş. Merasîmê yadkerdişî de seba têrîmendişî qetlîyamî veng dîya Tirkîya. Yadkerdişan de ame dîyarkerdiş ke zîhnîyeto ke Qetlîyamê Sêwazî viraşto û zîhnîyetê Erdoganî yew o.
BERN: Merasîmê Bernî de ame dîyarkerdiş ke Qetlîamê Sêwazî eybê Tirkîya yo û ewro Kurdistan de qetlîyamê winasî bi destê AKPyî yenî kerdiş. Badê qiseykerdişan seba 33 roşnvîran mûmî ameyî tavistiş.
LOZAN: Şêligo ke taxa Lozan Rîponne de ameye têhet, 33 canan yad kerde. Yadkerdişê Lozanî bi deqayêk rêzgirewtişî dest pêkerd û nameyê kesê ke ameyî qetilkerdiş yew bi yewe ameyî wendiş. Vîrardiş de Tirkîya rê veng ame dayîş ke wa qetlîyamî reyde têrî bimano.
Wazenê elewîyan çinî bikerî
ZURÎH: Serrgêra 24. ya Qetlîama Sêwasî de Zurîh de, Partîya Şorişgerê Yewî Kitabxaneyê Mozaîkî de panel viraşte û panel de Temsîlkarê FEDAye Songul Çelîke qisey kerde. Çelîke va “Nameyê rayîrê ma Reya Haq o’ û vist vîrî ke elewîyî selçukîyan ra heta Osmanîyan û Komare hetê sîstemî ra ameyî pelçiqnayîş û qetilkerdiş.“ Programo 2. zî hetê Merkezê Kultur û Perwerdeyî (EKM) ra ame organîzekerdiş.
Îngilîstan û sûka Almanya Gottîngen de zî merasîmê vîrardişî virazîyay.
ANF/BRUKSEL