7 serran ra dima KPC-Dyî 9ê temmuze de seba 400 mamostayanê Reqqa û Eyn Îsa dewreyêka perwerdeyî da destpêkerdiş. Mamostayan derheqê babeta neteweya demokratîke de perwede dîyî.
Bi wesîleya qedîyayîşê perwerdeyî merasîmêk ame organîzkerdiş. Merasîm de bi seyan kesê ke bajarê Reqqa û Kantonê Girê Spîye ra ameybî û Hemsereka Îdareyo Xoser Zelîxe Ebdî amade bîy.
Merasîm bi rêzgirewtişî dest pêkerd. Dima ra Zelîxe Ebdî, Endamê Komîteya Perwerdeyî yê Eyn Îsa Icêl Îdan û Endama Dezgeyê Ziwanê Kurdî Xalîya Ebûde qisey kerdîy û qedîyayîşê perwerdeyî beşdarvanan rê pîroz kerdîy.
Berpirsîyarîya mamostayan zêde bîye
Kesê ke qisey kerdî, qiseykerdişê xo de qala netîceyê perwerdeyî kerdî. Qiseykerdoxan dîyar kerdî ke no perwerde vînayîşê kesê ke bi fikrê çeteyanê DAIŞî teng bîbî, hîra kerd û wina vatîy: “Bi musnayîşê babeta neteweya demokratîke do berpirsîyarîya mamostayan hîna zaf biba.”
Qiseykerdişan ra dima Koma Şehîd Eyleme ya ke girêdayeyê Merkezê Kultur û Hunerî yê Girê Spî deyîrî vatî û merasîm bi girewtişê govendî qedîya. Nê mamostayî do 180 mektebanê qeza û dewan de seba resnayîşê 2 hezar û 500 şagirdan bêrî wezîfedarkerdiş.
EYN ÎSA/ANHA