Tirkîya de her ke şono hûmara kesanê bêkaran zêde bena. Goreyê daneyê Dezgehê Karî yê Tirkîya 5 aşmê sifteyînî yê 2017î de 563 hezar 25 kesî seba ke bêkar mendî û maaşê bêkarîye bigîrî, muracatê Dezgehê Karî kerdî.
Ame aşkerekerdiş ke hende kesan ra 290 hezar 946 kesî girewtişê maaşê bêkarîye heq kerdo. Goreyê qeydeyî, seba ke merdim bişînbo maaşê bêkarîye bigîro, ganî 18 aşmî bisîgorta bixebetîyo. Teberê nê daneyê fermî, wexto ke merdim kesê ke 18 aşmê xo pirr nêkerdî û cok ra muracat nêkerdî zî bifikirîyo, na hûmare o wext hîna zêde vejîyena.
ANQARA