Roje çin o ke ocaxanê Kurdistan û Tirkîya ra xebera mergê karkeran nêro. Heta nika bi hezaran karkerî ocaxanê tewir tewiran de merdî. Nînan ra yewe zî vizêr Şirnex de qewimîya.
Ocaxê komirî ke mabênê dewa Kîronî ke girêdayayê Şirnexî ya û Gundikê Melê de teqayîşê grîzuye qewimîya. Netîceyê teqayîşî de goreyê tespîtanê sifteyînan 3 karkerî ocax de mehsûr mendî.
Teqayîş ra dima ekîbê weşîye û yê AFADî sewqê cayê hedîseyî bîyî. Heta nika derheqê weşîya karkeran de ti melumat nêameyo girewtiş û xebatê raxilasnayîşî dewam kenî.
Seke yeno zanayîş verê cû Ocaxê Komirî yê Hûmara 1î de hezaz virazîyabî û netîceyê hezazî de 8 karkerî merdbî. n MA/ŞIRNEX