Temelê Barajê Morgedîkî ke nika ra 67 serrî ver Newala Delîçayî de ame eştiş. Baraj Ercîş ra 36 û merkezê Wanî ra zî 135 kîlometre dûrî de yo. Baraj sînorê 17 dewî û 5 mezrayan de yeno viraştiş û yeno îdîakerdiş ke seba awdayîşê erdan yeno viraştiş. Seba viraştişê barajî heta nika 150 mîlyon pere ameyo xerckerdiş.
Hukmatê AKPyî viraştişê barajî sey rant xebetneno.Barajê Morgedîkî mabênê sînorê Muradîye, Ercîş, Çaldiran û Dîyadînê Agrî de yo û temelê ci hetê artêşa tirke (TSK) û Mudirîya Pêroyî yê Karê Awe yê Dewlete (DSÎ) ra serra 1950î de ameyo eştiş. Her çiqas ke bêro vatiş hedefê viraştişê barajî awdayîş o, merdim vîneno ke sewbîna hedefî estî. Temel eştişê TSKyî ra dîyar beno ke hedef qirkerdiş o. Serra 1950î ra nata her ke hukmatî bedilîyayî, hukmatan baraj seba xo sey rant û xebitnayî. Bajar bena sebebê qirkerdişê tebîetî. Wexto ke xebatê barajî biqedî do bi desan dew, mezra, yayle û gêlî binê awe de bimanî. Sewbîna do herême de heywankarî biqedîyo û koçî dest pêbikerî. Newala Dereçayî sey merkezê resnayîşê maseyê încî kefalî yena zanayîş. Beno ke baraj bibo sebebê çinbîyayîşê maseyê încî kefalî ke tena gola Wanî de estî.Babete ser o dewijî qisey kerdî û dîyar kerdî ke bi viraştişê barajî birnayîşê têkilîyê merdiman yeno hedef girewtiş û wazenê ke herême bêmerdim biverdî.
WAN