Kişanake waşt ke Sereka Dayîreyê Polîtîkayanê Cinîyan Yuksel Aslan Acare serbest bêra veradayîş.
Kişanake îzah kerd ke Aslan Acare bi hewayêko keyfî nêna veradayîş û wina va: “Goreyo ke ma avukatan ra zanayîş girewt 15 rojîyo ke hema îfadeyê aye nêameyo girewtiş. Dosyaya aye ser o qedexeyê ciresyayîşî esto. Aye ra ma nêzanê çi semed ra yena sucdarkerdiş. No muamele keyfî yo û bê huqûqî yo. Yuksel Aslan Acere Şaredarîya Girde de cinîyan ser o xebatî kerdêne û Tirkîya de Sereka Dayîreyê Polîtîkayanê Cinîyan ya ewilin a.”
‘Semedê cinîyan emegê aye zaf o’
Kişanake derheqê xebatanê ke Yuksel Acere semedê cinîyan kerdêne de zanayîş da û wina dewam kerd: “Acare semedo ke warê sosyal, psikolojik, huqûqî de meseleyanê cinîyan safî bikera xebate kerdêne. Acere serra 2015î ra nat cinîyan ser o xebatanê weşan kena. Xebata xetê destegê lezgînî, îstasyonê gama ewiline û stargehan de emegê aye zaf o. Semedo ke mîyanê bajarî de îstîhdam bizêdîyo projeya Caardişê Ala More eştbî falîyet. Teberê bajarî de xeylê taxan de xebata perwerdeyê hayîbîyayîşî kerdêne. Acere bi xebata xo cinîyê ke bajar de ciwîyenê tena nêverda û zaf emeg da înan.” Kişanake peynî de waşt ke Acere serbest bêra veradayîş.”
AMED