Maskeyê sîstema serdest kewt
KJK hayr ant kaosê sîstema serdest ser û da zonayen ke, serva ke sîstem xo newede ra rocane bikero Kurdistan û Rojhelatê Miyanî çarna cayê herb û rijnayiş. KJK aşkere kerd ke vera no kaosî geyrayişê azadî yê ceniyan û şaran zî rameno. Damustayin de vajiya ke Rojawa û Vakûrê Kurdistan de demê înşakerdişê sîstema xorayirberdişan o. KJK hayr ant zorvajiyê Dehaqan ser û wina dewam kerd: “Endî maskeyê netew-dewletan kewto. Pêrokîn qûwetê îxtidar endî nêşenê bi zûrî û xapînayiş nêşkenê ceniyan û însaniyetî kole bikerê. Ma bi pêrokîn quwetê xo dûştê nay de yê”.
Dûştê kurdan îtifaqê newî
Kordînasyonê KJK hayr ant êrişanê îxtidara AKP ser û da zonayen ke, dewleta faşîstîn ya çete yê Erdogan’î senî ke fehm kerd do dûştê waştenê xorayirberdişan vindî bikero êrişê destkewtenanê kurdan kena. KJK va, bi tecrîd, bi qetlîam û tepişnayişan wazenê şarê ma rê peyser gam bide eştiş û wina dewam kerd: “AKP bi sûcê herb, Cizîr de, Sûr de, Hezex de wazena netîce bigîro. Heto bîn ra bi fermî êrişê Rojawa kena. Bi krîzê goçberan bi quwetanê bavênneteweyî ra bazarey kena. Hewl danê ser înkar û qirkerdişê kurdan îtifaqeke newî ronê. KJK qerarê Federasyonê Sûriye vist vîrî û wina va: “Îlanê Federasyon serva ceniyan û pêrokîn şaran serkewtiş o. Ma pawitişê Şoreşê Rojawa zey wezîfeyekê vînenê.
Wextê îsyan û serkewtişî
Kordînasyonê KJK hayr ant Newroz ser û aşkere kerd ke Newroz wextê îsyanî yo, wextê tekoşîn û serkewtiş o û wina dewam kerd: “ Newroz’a 2016î mijdaniya binvistişê îxtidarî ya. Veng danime pêrokîn ceniyan û şaran ke tewrê vinderdişê Newroz bibê, açarnê îsyan û serkewtişî. Roj roja pey de mendiş niya. Roja netew-dewlet ra hesab persayiş a”.
DÎHA/AMED