Bedlîs de serrê 90’an de dewleta tirk bi baxaneya ‘ewle’ de bi seyan dewan vila kerd û bedlîsijan zî bi zorî da koçkerdişî la dijî no polîtîkayê dewlata tirk î bedlîsijan bi ameyişê hemnan de newe ra agêrenî axê xo. Bedlîsijan axê xo û baxçeyan xo newe ra dîzayn kenî û axê xo newe ra ganî kenî.
Nê dewan ra yew zî navenda Bedlîsî ra gireda dewa Çayirbaşi ya. Na dewe serra 1993’ê lejkeran na dewe veşnayî û hetta destûr nêdayî ke dewijan kelmelê xo daxî bigêrî û dewijan zî rayîr ra kewtî û dewijan nêçare kewtî rayîrê surginî.
Qet vîr nêkerdîy
Bedlîsijan qet dewanê xo vîr nêkerdî û taybetê cenîyê Bedlîsê her tim bendê rayîrêagêrayişî ya dewanê xo bîyê la bi ameyişê wisar de cenîyê Bedlîsê agêray dewanê xo û dest pê mujilbîyîşê axê kerdî. Do pêroyin hemnan de cenîyê Bedlîsê axê xo reyde mujil bibî û cenîy zaf bextîyarekî domantîya înan no axê de vîyarta.
Nika na dewe de 10 banê estî û taybetê dewe de îxtîyarê cuyenî, demo vîyarteyî de dewe de heme tewirî ra nebat û sebze ameyo resayişî labelê nika tena sebze yena resnayişî.
Demo derg nêagêrayî
64 serra Şemsnur Oguz Stenbol de cuyena, bi ameyişê wisar de coş û heycan reyde kewta rayîrî û dema ke hîna dewa înan nêameyo vilakerdişî, no demî ser qise kena. Oguz wina vana: “No demî ma malbateke zaf bi bextîyar bîyê la ma dijî polîtîkayê dewleta tirk nêçare dewa xo ra fek veradayî û Stenbolî ra koç kerdî. 7 kêna û 5 lajêk temamî 12 domanî min estî. Dema ke ma şî Stenbolê ma demo derg nêeşkîyayî dewa xo ra biagêrî. Dema ke ma agêrayî dewa xo, heme domanê min Stenbol de mendî.” Oguz wisar ra hetanê peynî dewa xo de, dem zî bimano Stenbol de hetê domananê xo de cuyena.
Dewe kêfxweşî ya
Oguz wina dewam kerd: “Ez tena dewa xo de kêfweş a, ez dewa xo de pîl bîya û sewbî ca de nêeşkena kêfweş biba. Taybetê seba weşîya xo ez yena dewa xo. Çimkî Stenbol de nêeşkena hewaya pank bigêra û no ser zî nêweşîyê min hîna zêd benî. Hewaya dewa min, min ra weş yena. Taybetê domananê xo ra hesret manena la dewa min, min xuzir dana. Tewir bi tewri sebze û meyve ramitena. Demo vîyarte de ma tutin zî ramitaynî la seba ke ez extîyar bîya nêeşkena êdî tutin biramina. Seba weşî û debara xo tena sebze raminena û dema ke zaf zî bimanî, ez bena domananê xo.”
JINHA/BEDLÎS