AKP, eynî taktîkî Erebên nîjadperêst û persên nîjadperêstan ramena. Tarîx de yeno zanayîş, wexto ke abbbasî hemberê emevîyan vejîyenî, vatênê ma hemberê zulmê emevîyan vejîyenî.
Ma bac yanê vergîyê ser dewijan rakênî. Ma cuhî û fillayên ra xerec nîgenî. Ma azadî anî. Vatenê ma hurmetî qey şîîyan, zerdûştîyan, mazdekîyan, keysanîyan nîşandanê. Ma heqê herkesî nas kenî. Ma ferq nîerzenî mîyanê mîletan. Şarê kurd wazeno senî biciwîyo do hina biciwîya. Şarê pers wazeno senî biciwîya, do hina biciwîyo. Vatênê Ebû Muslîm Horasanî fermandar û serdarê ma yo. Ebû Muslî Horasanî ra ser yew rebêr çino. Abbasîyan wexto ke hina qisey kerd, pêronê şar û bawerîyan destak da înan û bin serdarîya Ebû Muslîm Horasanî de hukimranîya emevîyan rijîya, hukimranîya abbasîyan virazîya. Abasî senî bîyê hukimran verê cû wa, Ebû Muslîm Horasanî, tutê kurdê xayînê, pê feqan da kiştiş. Dima ra pêronê şar û bawerîyan înkar kerd û tena çiyê sunîyan esas girewt. Dinya di çi zulm bibi, înan zî kerd.
Humeynî zî eynî sey abbasîyan kerd. Şarê kur û partîya TUDEH, Mucahîtên Şar înan hemberê şahê Îranê têkoşîn kerd. Hukimranîya şahî wereda. Humeynî bi serwer. Verê pêronê çiya ser Kurdistanê sefer viraşt. Kurdistanê de komkiştiş viraşt. Zewbî çiqas muhalîf bibî yew bi yew kiştî. Eştî zîndanê. Zafê înan zî Îran terk kerd. Îran zî Humeynî ra mend.
Erdogan û AKP zî eynî taqtîkan ramenî. Verê cû wa seba pêronê mazluman hereket kenî. Herkes hina xapênê. Tayî kurdî zî hina xapînê. 4 serrê verê cû tayî nermê nêzdîyê herkesî bîyê. Wexto ke şarê kard raşatîya AKP û Erdogan dî, Amed de serhildan virazîya. Erdoxanê wa çi çi tut çi cinî benî ma kişênê. No vatiş dima ra Kurdistanê de komkiştiş viraşt. Dima ra şi Amerîka, Amerîka ra peyman viraşt, hemberê şarê kurdî şerêk giran da destpêkerdiş.
Senî Rojavayê Kurdistanê de şarê kurd têkoşîn da destpêkerdiş, ucaxî hêrîşê Rojavayê Kurdistanê kerd. Hêrîşê Qereçox û Şengalî zî hina yo. Nika zî kam esto kam çina herîşê herkesî keno. Raştîya Erdogan û AKP hinaya. Raştîya abasîyan û Humeynî senî ayê AKP zî hina ya. Qey nayê gera yew kurd qasê serê derzî dişmenê şarê kurd AKP ra hewî nîkero. AKP kiştoxa. AKP ser zulmkar û neyarê şarê kurdî çin o. Vernîyê şarê kurdî de teberê têkoşîn yew rayîra bîn çina.