Tayî vanî, herhal AKP dînê Îslam pawena. AKP, dînê Îslam nîpawena. Dişmenê dînê Îslam û şarê Kurda. AKP, dînê Îslam seba serweriyê xo dana şixulnayîş. Dînê AKP, pere, pere û pere yo.
Îmanê AKP, nijadperêstî, nijadperêstî û nijadperêstî yo.
AKP dişmenê şarê Kurda, dişmenê şarê Kurda, dişmenê şarê Kurda.
Pêro sermîyanê AKP, bê edaletê.
Pêro sermîyanê AKP, dizdê.
Erş û ezman hesîyayê dizdîya AKP. AKP hina bê ar û bê ehleqa kî, rîyê sermîyanê AKP bîyo zê çermê xozî. Esasî de xozî zî gorê AKP, sey meleketê.
Xozî zerre xoza yane tebîet de ciwîyenê. Îhtîyacîya xo zerre tebîet ra peyda kenî. Ca ca kewnê mîyanê erdê ramitê, la zaf zerarê înan nîbeno. Reyna zî şar kewno xozan dima û înan kişeno.
AKP, se kena?
Sermîyanê AKP, dizdî kenê, qet hesab nîdanê. Wexto ke derheqê înan de mehkemek destpêkena, ca de a mehkema yena betal kerdiş. Ser ra zî vanî ma mazlûmê. Vanî, hemberê ma derbe bîya.
Dizdîya çar wezîre AKP ver çîmanê herkes eşkera bî.
La reyna pê destê AKP’yîyan, ame bettalkerdiş.
AKP, Kurdistanê de Hîzbul-Kontrayan zê tetîkkeş dana şixulnayîş. La wirzena vana, çeteyên Hîzbul-Kontra Hudapar mazlûmê.
Ferman dana, bi destê polîs û çeteyên Hîzbul-Kontra, Cizîra Botan de Bariş Dalmiş, Yasîn Ozel, Zekî Alar, Sîlopî de Musa Azma kişena.
Ser ra zî HDP, DBD û şarê Kurd sûcdar kena. Pêro nuştoxê AKP, propagandayê çeteyên Hîzbul-Kontra Hudapar kenî. Vanî, çeteyên Hîzbul-Kontra Hudapar medenîyet temsîl kena.
Verêcu Kemalîstan vatenê ma medenîyet benî Kurdistan. Bin nê name de şarê Kurd qirkerdenê. Wextê Şêx Seîd de hina kerd. Qirkerdişê Dêrsîm de hina kerd.
Nika zî AKP bin name medenîyet de eynî qirkerdiş ramnena.
Yane kemalîsta AKP, cayê kemalîstanê CHP girewta. Ferqê înan çîno. Her di zî dişmenê şarê Kurdê.
AKP, hîna ziraw kaykena. Zêdeyîr qelleşa. Hina qelleşa kî, ça di dişmenê şarê Kurd esto, rêxistin û destek kena.
Çeteyên DAÎŞ’ê T.C, rêxistinkena û Rojava û Başurê Kurdistanê de pê înan herîşê şarê Kurd kena.
Bakurê Kurdistanê de zî Hîzbul-Kontra Hudapar zê tetîkkeş şixulnena.
Anotolî û Trakya de zî, çeteyên BBP û MHP şixulnena.
Zerrê dinya û Kurdistanê de ça beno wa bibo, kam ca de herîş ser Kurdan beno, pêronê nê herîşan AKP koordînê kena. Wa şarê Kurd na rastiyê AKP bivîno û gorê nayê xoverdayîş bikero.
AKP hina kena. Yew eşkeno vajo eleqê AKP û dînê Îslam esto? Ne.
Yew eşkeno vajo AKP’yîyan de wijdan esto? Ne.
La yew eşkeno vajo, AKP bê dîn, bê îman û bê wijdana.
AKP, hem dişmenê dînê Îslamîya hem zî dişmenê şarê Kurda.