Sebahat Tuncel çarçoveyê geyrayişê xo yê Bakurê Kurdistanî de Îdir de tewrê kombîyayişî bî.  Tuncel hayr ant babeda îfade dayişê parlementeranê HDP ser û va: “Faşîzmê AKP wazeno HDP meclîs ra vejero. Mayê faşîzmî ver de sereyê xo çewt nêkerê. Xora embazanê ma jî vat ke, iyê dê nêşirê îfade-dayişî. Ê se kenê, wa bikirê, ma dê dûştê faşîzmî de vinderê.”

AKP teslîmê wesayetê lejkerî bîya
Sebahat Tuncel ard ziwan ke AKP heme hetan ra teslîmê wesayetê lejkerîn biya û va: “AKP îdîa kerd ke, wesayetê lejkerî qedînîyayo, la belê nika bi xo teslîmê lejkerî bîya. Fermandarê kişten daho polîs û lejkeran. Kam hesabê înan meyro, zey terorîst îlan kenê. No çarçiwe de şaredariyanê ma hedef girotê. Tehamulê şaredariyanê ma û şaredariyanê şarî nêkenê û coka zey terorîst mûsnenê. Coka wazenê şaredariyanê ma xesp bikirê.”

Vinîkerdişê Kulter ra AKP mesûla
Tuncel eleqe ant terorê dewleta tirk ser û vat: “Vera partîya ma, heme hetan ra êrişan kenê. 2 rayverê partîya ma kiştî. Tenîya bi sebebê qiseyanê siyasî, embazanê ma gênê. Vengdayişê aştî zî beno sebebê girotişî. Akademîsyen, rojnamevan û pawitoxê kurdan  het ca de gênê, girotiyenê û erzîyenê zîndanan.”

Tuncel vist vîrî ki 27ê Gulan ra na kişt rayverê DBP ê Şirnex Hurşît Kulter ra xeber nêgirewtîyena û va: “Vinîkerdişê Kulter ra AKP mesûla. AKP tim va ke, înan peynîyê faîlî meçhûlan ardo, la belê nika ebe xo zey serranê 90î siyasetê lejî ramenê. Bodriman de welatijan ganî bi ganî veşnenê û Hurşît Kulter kenê vinî. Enê pêro zî bi fermanê Erdogan û AKP bîyê.” 

DÎHA/ÎDIR