Sazgehan aşkere kerdî ke, projeyê ke hetê îxtidar vistiyenê dewre açarniyenê sazgehanê asîmîlasyonî. Temsîlkaranê alewî aşkere kerdî ke, hedef û emelê nê projeyan asîmîlasyon û bêvengkerdişê alewiyan o.
Projeyanê AKP qebûl nêkenime
Serokê Şube yê Komeleyê Kiltûr yê Rayê Alewî Malîk Yuksekol’î aşkere kerd ke, demê peyenîn de verra alewiyan û şaranê tirkiye kayê qilêrîn-leymin yenê ramiten. Yuksekol’î ard zon ke, îxtidara AKP wazena alewiyê xo rono. Çarçoveyê nayî de hewl dana sazgeh û îbadetxaneyê girêdayê îdeolojiya xo yê akero. Yuksekol’î projeyê Camî-Cem-Aşevî’ yê ke qebûl nîkerdî vist vîrî û ard zon ke, projeyê nikayî yê hikûmet zî dê qebûl nêkerê.
Yuksekol’î aşkere kerd ke, gerek cayê îbadetxaneyî azad bê. Projeyê newî zî zey qûtî giroteyê. Ma alewî projeyê ke nêzanime çiko qebûl nêkenime.
Bêvengkerdişê alewiyan
Hemserokê Komeleyê Alewiyê Demokratîk yê Îzmîr Îsmet Akbûlak’î zî vist vîrî ke, nê projeyê niyayîn newî niyê. Akbûlak’î aşkere kerd ke, projeyê winayîn xîzmetê polîtîkayanê asîmîlasyon kenê û va, îtiqat û baweriya ma projeyanê AKP ra çinyo.
Akbûlût’î vist vîrî ke, serranê ‘90î de zî keyeyê cem, cayê îbadetxaneyî amey akerdin. La alewitî nê cayan de, raştiyê xo ra amê dûr vistiş. Akbûlak’î diyar kerd ke, jew hedef esto, o kî asîmîlasyon û bêvengkerdişê alewiyan o.
Keyeyê Cem îbadetxane yê
Parlamenterê HDP yê Îzmîr Muslum Dogan’î zî polîtîkayanê hikûmet rê nêrazîbiyen damûsna û va, ma zihnîyeto ke keyeyanê cem û navendanê îrfan zeypê penase kenê red kenê.
Dogan’î vist vîrî ke, keyeyê cem, cayê îbadetxaneyê, la navendê îrfanî cayê ke xîzmetê îdeolojiya AKP kenê yê. Eleqeyê ma bi navendanê îrfan çinîyo. Komeleyê alewî keyeyanê cem zey îbadetxane qebûl kenê.
DÎHA/ÎZMÎR