Hikûmeta AKP ke 2015î de hêrîşê sûkanê Kurdan yê zey qeleya xoverdayîşî yê, kerd, nika zî verîya referandumî planê perrê diyîn yê şerî kena hadre. Goreyê xebera Rojnameyê Sabah ke nezdîye hikûmet o, perrê diyîn yê hêrîşanê vera sûkanê Kurdan, dê verîya referandûmî bikewê dewre.
Hikûmeta AKP ke weçîntayîşanê 7ê Hezîranî de derbeyêka gird werd û zaf reyî kerd vinî, bi fermanê Tayîp Erdoganî Tîrmeha 2015î de destpa hêrîşê sûkanê Kurdan û qirkerdişê sivîlan kerd. Şero ke bi aşman dewam kerd de bi seyan welatijê sivîlî amey kiştiş, bi hezaranê ci cayanê xo ra amey koçkerdiş û bi hezaran keye û taxê Kurdan amey rijnayîş. Cizîr de dewlet cêrzemînan de bi seyan Kurdistanijan ganî bi ganî veşna. Cinî û domanan werteyê kuçeyan de înfaz kerd. AKP ya ke Kurdan rê îtaat û koletî ferz kena, hewl dana ke bi kiştiş û çinkerdişî terbîye bikero. Dewleta ke bi qirkerdişê seyan kesan mird nêbî, nika xo seba perrê diyîn yê hêrîşanê vera sûkanê Kurdan kena hadre.
Ban û kargehî virazîyenê
Goreyê Rojnameyê Sabah şero ke aşma Tîrmeha 2015î de vera Kurdan ame îlankerdiş, verîya referandûmî de, do perrê diyîn yê no şerî destpa bikero. Goreyê xeber plana hêrîşan hetê Wezîrê Karê Zerrî Suleyman Soylu ameya amadekerdiş.
Goreyê xeber, perra diyîn yê hêrîşan do vera Şirnex, Hezex, Cizîr, Sîlopî, Colemêrg, Çelê, Şemzînan, Gever, Mêrdîn, Kerboran, Dêrik, Qoser û Nisêbîn ke bi bi seyan însanê sivîl mîyan de amey qirkerdiş de bîro ramiten.
Xeber de yeno vaten ke seba hêrîşan, Şirnex de 5 hezar û 40 banî, Sîlopî de hezar û 696 banî, Hezex û Cizîre de 3 hezar 587 banî û 306 kargehî, Nisêbîn de 4 hezar û 245 banî û 353 kargehî yenê viraşten.
No babên de, enê cayê ke verîya 1ê Mijdare 2015î de bî hedefê hêrîşanê AKP, zey qeleyê HDP û sîyaseta Kurd ê. Nê cayan de îlankerdişê qedexe û hêrîşan ra pîya, do weçîntayîşî bi şaîbe be
ANQARA