AKP ke weçînayîşê 7’ê hezîranî de vindî kerd û nêşîna bi polîtîkayanê xo yê mijûlkerdişî na ravêreyeya çarekerdişê persgirêka kurd bidomno, gefêy ke verê werdênê nika zî tada reyde wazeno bido viraştiş. Şaristananê Kurdistan û Tirkîya de 24’ê temmuze de dest bi operasyonêy qirkerdişî kerd û teyareyêy ke aîdê TSKî reyde zî heta şandê 25’ê temmuzêyî Qadêy Pawitişê Medyayî sero bombe varnay. KCKî dîyar kerd ke nê hêrîşê TSKî ravêreyeya adirbestî hawayo fîîlî peynî kerdo.
Zordestîya polîsanê AKPî zaf qeza û şariştanan de bi eştişê keyeyanê welatijan sero domyeno. Operasyonêy ke yeno îdîa kerdiş ke dijî DAIŞî yeno viraştiş de, mîyanê ci de temsîlkarêy HDP û DBPî zî tede bi seyan kesîy amey binçimkerdiş. Hetê no de polîsan rayna ser komeleyanê sîvîl ê ke seyî Egîtîm-Sen û Pîr Sultan Abdal zî eştîy û na komeleyan de gêrayîş viraşt.
‘Hezm nêkerdo’
Bertekêy ke dijî nêy operasyonanê AKPî her ke şono girdêr beno. Serekê Pêroyîn a Komeleya Çandî ya Pîr Sultan Abdal ya verên û Parlementerê HDPî ya Îzmîrî Muslum Dogan derheqê konsepta AKPî sero qalî kerd. Dogan dîyar kerd ke AKP binkewtişê 7’ê hezîranî hezm nêkerdo û bi operasyonanêy qirkerdişî û konsepta şerî wazeno pergala serektî zorî reyde awan biko
Pergala serektî
Dogan dergeyîya qalîkerdişê xo de ard ziwan ke pergala leyminên ya AKPî ke waştênê bido ronîştiş, 7’ê hezîranî de serûbin bi. No semed ra zî AKP waşt ke no serdem bigîro û yewna konsept bido destpêkerdiş û wina domna: “AKP nê konseptî zî bi vetişê Qanûnê bi Terorî reyde Têkoşîn(TMY) da destpêkerdiş. Weçînayîşan ra dima dîyar bi ke do dest bi operasyonan bikero. No zî semeda ke desthilatdarîya xo bi hêz biko keno. Wazenîy ke pergala serektî zorî reyde awan bikîy.”
Konsepta newe
Dogan balant welatanê ke tede persgirêka kurd esto de hukimata dem demî weyra de nîno qebûlkerdiş û wina domna: “Hetê nê de AKP şer dayo vera xo. Na konsepta AKPî do ser heme Rojhilatê mîyanên bandora xo bikero. Ez fikiryena ke na konsept zaf bi talûke ya. No ne tena welatê ma, do Rojhilatê mîyanên zî biveşno. Lazim o Tirkîya demo ke rewêr AKP fek na konsepta şerî ra vêrado. Tevgera Azadî û çeteyêy ke şar û bawerîyan qetil kenîy seyyewbînan vînayîş qet nîno qebûlkerdiş.
DÎHA/ÎZMÎR