Serokê CÎK Hafiz Ahmet Turhalli, cewab da persanê ma û aşkere kerd ke, zilmê dewleta Tirkî û hikûmeta AKP ke ser xirabî û zorvajî amê ronayen, bi desan serrano rameno. Turhalli va, misilmantiya Qur-anî û ê dînê raştî, werte ra wedartî, hurendiya ci de, Îslamiyetê sentezî Tirkîra yo, dînê newe viraşto. Turhalli ard ziwan ke, no dîn dînê ke çewto û niya dewam kerd: “Dînêke netewperest û rijdo. Eke kes misilman bo, senî însanî kişeno? senê dizdê keno? senê zilm keno?
Gunayê zaf girdî kenê
Turhalli aşkere kerd ke, polîtîka û karo ke AKP rameno, duştê Îslamîyet o û bi nê vatişan hayr ant êrişanê verra sûkanê Kurdistan ser: “Sûkan xerepnenê, raşonenê, îxtiyaron, ceniyon û qicon kişenê, cendekê yini reyeran ser verdenê.
Hafiz Turhalli raştişa Îslamiyet vist vîrî û ard ziwan ke, ‘Îslam vano cenazeyê merdimê misilmanî gere lez bêro binerd kerdişî û niya dewam kerd: “Eke cenaze nêwû definkerdişî, o welat û ê misilmaneyî pêrû tede gûnehkariyê. Fiqhê Îslamî nara vano ferzî kîfaye.” Turhalli da zonayene ke, Ê ke na zilm û felaketî kenî, dustê Îslamî guneyê zaf girdî kenê û va: “Pêxemberê ma wextê cengê Bedridî de, pêrunê cendekanê mûşrîkan zî binerd keno, hema meydanê cengîra agîreno.
Vera êrişan xopawitiş heq o
Serokê CÎK Hafiz Turhalli derheqê persa heqê xopawitiş û xendekan de wina va: Eke şima xare (êrîş) berî serî têkinan ekû yizî xu bipawî. Na mesela rûstimî xuyi dîrokî zî estê. Pêxemberê ma, Hz. Muhemmed (sav) wexto muhacir biyo şiyo medîne. Mûşrikon waşto wêradizi ey bikişê. Pêxemberî, şarê Medîne ard pêser û kombiyayiş viraşto û vato “Eke teber ra yo xare bîro ser ma, mawû pêrû têdir xû bipawi.. Turhalli vist vîrî ke, wexto muşrikî êriş kenê, şarê Medîne xendekan kinenê o xo pawenê û niya va: “Nayî ra xendekon kam ke bikenû, xo paweno. Êke cey xû de vindertê xû pawenê, o têkizî yenê êrişî iyno kenê. Eyro zî Kirdî xû pawenê, semedê ke gon, mal, namusê xo bipawê, danê xover. Nê xendekan Kirdon kêfê xora nêkinitî. Êrişê giron yenê serûwa, ê zî xo pawenî. Dînî Îslamî o pêrûnî dîno no heq donira Kirdo.
Turhalli hayr ant hiqûqê mavendewletî ser û ard ziwan ke,
hiqûqê mavên dewletî de zî, verra êrişan heqê xopawitiş esto û va ‘Dînê Îslamî de teniya şima êşkenê xû bipawê, şima nêşkenê xare berê yê xeriwî ser.
Eleqeyê fetwayanê diyanet bi îslamiyet çinyo.
Serokê CÎK Hafiz Ahmet Turhalli, fetwayanê Serokê Karê Diyanetî yê ke dustê Alewiyan û ‘Pî-keynek’î de day rê nêrazîbiyen damûsna û aşkere kerd ke, Karê Diyanet ê Tirkan xîzmetê dewleta zalimî keno.
Turhalli va, dîyanet karê dînî nêkena, semedê zilmê dewlet fetwayî dana û niya va: “Eleqeyê fetwayanê diyanet bi îslamiyet çinyo.
Turhalli hayr ant ayetanê Qur-an’î ser û va: “Qur-an vano: “Şima nêşkenê bi şehwet bonî dayê, kêna, wa, qicanî wayanî xû, xalanî xû, emanî xu, mardanî şitî, wayanî şitî, wistûrêyanî xûra.” (Nîsa 23) Na ayet hema derb vana Îslamiyetî nê çî tiyara 1400 sere verîcu daritî wera.
Dîn û welatê xo bixelesnê
Turhalli peynî de, vist vîrî ke, nê çend şino însanîyet û Îslamiyet ra dûrî şinê û niya va: “Homa kesekî şaş nêkerû, şaşkerd erd ra kaş nêkerû. Nê reşemiyayê Homa enîn hidayet bikerû, nê reyera veciyayî, hetê Homa îynan perîşan bikerû, yizî pawey roca xûyê.
Hafiz Tûrhali peynî de veng da Kirdon û misilmanan ke, dustê
nê zaliman de vinderê, him dînê xo, him zî welathe xo bixelesnê.