Hukmatê AKPyî hêrişê şarê Vakurê Kurdistanî keno. Awe û cereyanê keyeyê şarê qezaya Sûrî ya Amedî hetê AKPyî ra yenê birnayîş. Babete ser o rîsipîyê erebî yê herêma Tirbespîyê qisey kerdî.
Rîsipîyê ereban ra Ebdulrehman Reşîd Hemîdo ke eşîra El Cewalayî ra yo, hêrişê dewleta tirk şermizar kerd û va: “Birnayîşê awe û cereyanê keyeyanê şarî yena manaya vêşanî û koçkerdişê sivîlan. No sucê merdimîye yo û têkşîyayîşê AKPyî nîşan dano.
Rîsipîyan ra Hemze Salih Hemîdo ke eşîra Mirêşanîyan ra yo zî qala sîyasetê AKPyî kerd û va: “AKP aşma remezanî de hêrişê taxa Sûrî keno. Na rewşe nîşan dana ke Erdogan bi dînê îslamî îqtîdarê xo Tirkîya ser de ferz keno. Sîyasetê Erdoganî dûrê ehlaqê îslamî yo. Kesê ke îqtîdarê ci qebul nêkenî yenê cezakerdiş.”
TIRBESPÎYE