Dewleta dagîrker AKP û TC dest na ser şaredarîyanê (beledîye) şarê kurd û DBP ro. Vanî, semedo ke nê şaredarî pereyan danî PKK, ma qey nayî dest nawo ser şaredarîyan ro. Beno ke tayî ehmeqî zî hina bawer bikerenê.
La raştî hina nîya. AKP û TC derheqê şaredîyanê şarê kurd û DBP de serra 2007 de qerar dawo. Belgeyê nê qerarî zî estî. MÎT’î 3ê Sibate 2007 de yew plan amedekerdibi. Nameyê nê planî, “Tedbîre ke hembere rêxistine terorî benêgirewtiş (Terör örgütüne karşı alınması gereken tedbirler) o.” MÎT o ke nê planî amede keno, şiraweno Sererkane Artêş, Serokomar û Serokwezîrî ra. MÎT nê planî de qey (seba) şaredarîyanê yew beş amedekerdo.
O beşî de hina yeno vatiş:
* Gera tayî tax û bajaranê ke şarê kurd uca de ameyo pêser, eyê taxî bêrênê xirabkerdiş
* Kam heb sereke şaredarî hembere nê qerarî bivejîyo û ca nîyaro, gera o sereke şaredarî gureyê ra bêro girewtiş. Reyna nîbo şaredar. Bankaya Îller (Îller Bankasî) zî pereyê a şaredarîyê bibirno.
Yane AKP û TC tam 10 serrî verê cû qerar dawo ke, şarê kurd bajarê xo îdare nîkero. Xora Erdogan vano ke, qerarê qeyyumê herê (berey) zî mendo. Gera rewna ra qerar cabiamenê. Zobî zî AKP’yî zelal nusenî vanî, Wezîre Karê Zereyî Efkan Ala, vato babete qeyyumî raşt nîyo. Şaredarî pê weçînayîş ameyê gureyê xo ser, gera pê weçînayîş şêrênê. Ala senî hina vato, gureyî ra ameyo girewtiş û cayê eyê de Silêman Soylu hetê Erdoganî ra ameyo wezîfekerdiş. Yeno zanayîş Silêman Soylu, merdimê Mehmet Agar û Çîllerî yo. Tam dişmenê şarê kurdî yo. Yew çete yo. Erdogan se vano, Silêman Soylu ano ca. Xora heta nika Erdoganî ser ra yew dişmenê şarê kurdî nîameyo dîyayîş. Erdogan ferman dano û Silêman Soylu zî gore fermane Erdoganî dişmenîya şarê kurdî keno. Bingehê derbe yê ser şaredarîyanê kurd hina yo.
AKP û TC pê na derbe wazena ke şarê kurdî bi temamî qirbikero û bikero tirk. Vanî, ma senî biwazi, gera şima hina biciwîyê. Ma se vajî, gera şima goreyê vatişê ma hereket bikerenê. Eger şima tebere ma de hereket bikerenê, ma şima kişenî, ma pêronê çîyê şima destê şima ra gênî. Ma nanê şima zî destê şima ra gênî. Weçînayîş û demokrasî-memokrasî zî yew vistoneka. Ya şima tirkbîyayîş qebulkenî, ya zî kiştiş û qirkerdişî.
Çîyo ke AKP û dewleta tirk a dagîrker kenî hina eşkera yo. Hembere plan û derbeya AKP û dewleta tirk de destê şarê kurdî tena yew çî esto. Tebere xoverdayîş ti rayîrêk bîn çin a.
Ey Kurdîno!
Hembere neyarê şarê kurd, xover bidi!
Xover bidi!
Xover bidi! Xoverdayîş azadîya Kurdistanî ya.
Xoverdeyîş xelasîya Kurd û Kurdistanî ya.