Seba nêyî zî qerarê biçekerdişê rêxistinê ke binê banê Ocaxê Osmanîyan, Huda Par, Ocaxê Alperenan û MHP de ca gênî, ameyo girewtiş.
Endamê Hîzbulkontrayî ke tarîxê Tirkîya de her tim seba kurdan bîyî tehdît, nika tepiştişê endamanê FETOyî ra dima yew bi yew serbest yenî veradayîş. Endamê Hîzbulkontrayî ke serbest yenî veradayîş, binê banê AKPyî de yenî rêxistinkerdiş. Ame musayîş ke mabênê AKP û Hîzbulkontra de pêameyîşê neweyî ameyî viraştiş û goreyê nê pêameyîşî hêzê Hîzbulkontra vera cematî de yenî xebetnayîş. No hêzo neweyî zî do hetê Wezîrê Karê Zereyî Suleyman Soylu û Musteşarîya MÎTî ra bêro koordînekerdiş. Seba caardişê qeraranê neweyî zî Gulabî Eryaman ameyo wezîfedarkerdiş.
Qerarê ke ameyî girewtiş
Goreyê pêmayîşo ke mabênê AKP û Hîzbulkontra de ameyo viraştiş, hukmatî destûr dayo ke Hîzbulkontra seba faalîyetanê xo malîye hedre bikero. Seba hedrekerdişê malîyeya Hîzbulkontra, pere û mal û milkê ke cematî ra yeno girewtiş, teslîmê înan yeno kerdiş. Reyna Hîzbulkontra hewayo serbest do bişînbo cayo ke biwazo, uca de bin nameyê vergî, xeraç û bexş de pere kom bikero. Reyna goreyê pêameyîşî pereyo ke karmend û esnafan ra bêro komkerdiş zî hetê Gulabî Eryamanî ra do bêro dîyarkerdiş. Pere zî do esnafê şenikî ra mabênê 5 hezar û 10 hezar lîra, karmendan ra zî heta 1 mîlyon lîra eşkeno bêro komkerdiş. Îtîfaqê AKP-Hîzbulkontrayî dest bi komkerdişî kerdo û ame musayîş ke hetê Zana Înşaatî ra 500 hezar lîra û 3 daîreyî zî endamanê înan rê ameyo pêşkêşkerdiş.
Kasa Amed de ya
Merkezê malîyeya AKP-Hîzbulkontra Amed o û seba nê karî TOTAL Petrol û TAÎŞ Otelî ke nizdîyê pirdê Seyrantepe de yî ameyî weçînayîş û wexto ke Wezîrê Karê Zereyî Suleyman Soylu ameyo Tirkîya, nê cayî dîyo û tesdîq kerdo. Wayîrê nê cayan zî keso ke bi nameyê Haci Ahmet o. Reyna KOSGEB ke esnafê şenik û pîlî tede ca gênî zî hetê hukmatî ra seba fînansekerdişê rêxistine ameyo wezîfedarkerdiş. No fînansekerdiş, pêvînayîş de hetê Gulabî Eryamanî ra bi no hawa ameyo vatiş: “Seba ke hukmat nêşkeno raşteraşt hetkarîye bido, hetkarîye do ser KOSGEBî ra bêro dayîş.”
*No nuşte lekolîn.orgî ra ameyo girewtiş.
Gulabî Eryaman kam o?
Gulabî Eryaman TRT Şeş ke serra 2008 de ameyo akerdiş, sey mudurê kanalî amebî wezîfedarkerdiş. Verê cu zî Sererkanê Pêroyî de sey Serçawişê Muxarebeyî wezîfe kerdîbî û embazê Musteşarê MÎTÎ Hakan Fîdanî bî. Gulabî Eryaman pêvînayîş û pêameyîşê AKP û Hîzbulkontra de rolê ci yê pîl esto û herême de wezîfedarkerdişê endamanê Hîzbulkontra hetê ey ra yeno kerdiş.