Parlamentera HDPyî ya Êlihî Ayşe Acar Başarane hayr ante mîtînga Erdoganî yê Amedî ser û aşkere kerd ke polîtîkayê kurdî yê AKPyî îflas kerda. Başarane vist vîrî ke hukmat bajaranê kurdan de cîya, bajaranê bînan de bi hawayo cîya polîtîka meşneno û wina va: “AKP partîyêka faşîst a û xo ser tirktî daya awankerdiş. Rixmê nînan vanî qey do kurdî hema zî reya xo bidî înan. ”
Şarê kurd zelal o
Başarane hayr ant hêrîşanê 2 serranê peynî yê hukmatî ser û wina domnaye: “Kurdan 2 serran de baş dîyî û nika ra pey zî nêşênî sey ke çîk nêbîyo, têbigêrî. Vatênê qey do kurdî vera zulm û tedayan de bêveng bimanî, labelê Newroze de şar nîşanê înan da. Se bikerî zî do şarê kurd do Şirnex, Cizîr û Nisêbînî nêdo vîrîkerdiş. Wa xo nêxapênî, kurdî do 16ê Nîsane de cewab bidî înan.”
AYDIN