Nûmayişkaran ra Dîlek Şeker, a ke qetlîamê Pirsûs de pîyê xo, xoverdayişê Kobanê de birayê xo vindî kerd, verra qetlîaman vengê berzkerdişê tekoşîn da. Şeker aşkere kerd ke, gerek endî mordemê ke kişta Tirkiye de cuwyenê ters xo ser ra bierzê, serva cuwyayiş, serva mordemî veng bidê.
Dîlek odabaşi kî aşkere kerd ke, Kurdistan de herb açarniya qetlîaman û niya va: “Zey alewiyan, ma na dej Koçgirî ra, Mereş ra, Çorûm ra, Kerbela ra şilasnenê. Ma wazeme ebi grevê veyşanî veng bidê însanan. Odabaşi da zonayene ke, heta ke operasyon û herbî nêqediyê, iye de nûmayişê xo biramnê.
No herb dano herkesî ro
Nûmayişkaran ra Songul Yalçin kî, ard ziwan ke, zey tornê Sey Riza’yî gune verniya herbî de bîro vindernayene. Yalçin aşkere kerd ke, bêstatubiyîna Kurdan, bi xo ra bêstatubiyîna pêrokîn şaran ana û niya va: “Verra qetlîaman herkesî de qûwet û îradeyê tekoşîn kerdiş esto. Mehmet Guzel o ke grev de yo kî vist vîrî ke, verra kerdenanê qirkerdin bêvengmayiş nêbeno. Guzel’î va, eke ewro ma leyê tekoşînê Kurdan de ca nêgîrê, eke Kurdî binkewê, pêrokîn şarî zî binkewnê.
Welatijan ra Hakki Aradag’î kî ard ziwan ke, mimkûn niyo ke, verra qetlîaman de bêveng bimanê. Aradag’î va meşt beno ke bibo berey, nayî ra herkes gerek keye, kuçe û cayo ke maneno de vengê xo berz bikero.
DÎHA/STENBOL