Sûkanê Awûstûrya Înnsbûck û Bregenz de, sazgehanê Alewî çelengê sîya ronay ver konsolosxaneyê Tirkiye, êriş û qetlîamanê dewlet protesto kerdî.
Paytexta Fransa Parîs de zî, 7 sazgehanê alewîyan Meydanê Saînt Mîchel de damûstayinê piyayî day û terorê dewlet lanet kerdî. Nûmayişa ke bi rayverîna FEDA de viraziya de vilavokî amey vilakerdin. Pîr Riza Yagmûr kî bi saz û vatenê xo tewrê nûmayiş bi. Ceniyê ke Semah girotî, xorayverînan silam kerdî.
Bada nûmayiş, jû heyetî, dosyeya ke hetê sazgehanê alewî amê hadre kerdin, day keşeyê kilîseyê Notre Dame.
Ewro kî Parîs de, sazgehê alewiyan çelenga sîya ronenê sefaretxaneyê Tirkiye ver. Pey coy, Dergahê Pîr Sûltan yê Parîs’î de grevê veyşanî yê hîrê rojî dest keno ci.
Kes bêvegn mevindero
Bi vengdayisê Federasyonê Jûvîna Elewiyan kî Almanya Frankfurt de nûmayis virajiya. Avê Tirki û Almanî eskerakerdisê çapemeniye ame dayene. Vajiya ke pêro qetlîamê polîtîka dewlete, nî serestisana besenêkene xoverdayişê şarê kurdî bişîkne. Eskerakerdis de ame vatene ke, verra nî serestisan kes bêveng mevindero. Tekoşîne berz bikero.
Qeseykerdisan ra dima çeberê konsolosxane rê çelenga şiya ame raverdayene. Bi eynî armanca Munîh de kî nûmayis ame virastene.
ANF/NAVENDÊ XEBERAN