Ez 2 aşmeya bajar bi bajar Almanya de gerena. Mi zerrê nê di aşman de zaf çîyê dî. Rewşa şarê Kurd, ciwanê Kurd, tutanê Kurd, cinîyanê Kurd seyîno mi dî. Dewleta Tirk Almanya de çi deq û dolaban çarnena mi ayê deq û dolabê dewleta Tirk zî dî.
  Bi teybet dewleta Tirk teberê T.C de seyî çeteyên DAÎŞ’ê T.C rêxistin kena, mi bi çimanê xo dî û mi şahîdî kerd. Mi yew bi yew çend ciwanê Kurd yê ke dewleta Tirk bi name çeteyên DAÎŞ’ê T.C vistibî torê xo, mi ayê ciwan ra zî eleqê viraşt. Mi înan ra qisey kerd.
Pêronê nayê çîyan de vejîya werti ke, dewleta Tirk rastê rast heme welatê Awrûpa, bi teybet Almanya de şew û roj kewta pê tut û ciwanê Kurd erzena domê xo.
Bin name “cîhad” de tut û ciwanê Kurd xapnêna, dima ra bena camîyê Tirkan û dima ra ze şiravena mîyanê çeteyên DAÎŞ’ê T.C.
Qey nayê çîyan zî zaf rê û rêbazan dana şixulnayîş.
Rê û rêbazên ke dewleta Tirk ser TÎKA’yê hemberê tut û ciwanê Kurd dana şixulnayîş nayê.
1-Tut û ciwanê ke dayî û bawê înan cîya bîye înan tesbît kena û visnêna û kêna mîyanê torê xo.
2-Tut û ciwanê ke kewtî karê xirab û dima ra kewtî zîndan, înan tesbît kena û seyî zîndan ra vejîyenê, bena camîyê Tirk û dima ra şiravena Başur û Rojavayê Kurdistan, hemberê Şarê Kurd dana şerkerdiş.
3-Reyna ciwanê Kurd ayê ke, şinê qumar û otomat kaykenê û pereyan vînkenî, deyn înan dana, mecbûrê xo kena, şiravena mîyanê çeteyên DAÎŞ’ê T.C.
4-Keye ke şehîdên înan estî û welatparêzî la gorê welatparêzî tut û ciwanê xo perwerdê nêkenê, keye û ciwanê hina tesbît kena û dima ra rêxistin kena.
5-Dewleta Tirk nê rêxistinkerdişa ser camî, cemaat, mekteb, komal, şîrket û tarîkatanê Tirk kena.
6-Mamoste yanî malime Tirk ayê ke mektebe Almanya de dersê ziwanê Tirkî, Ehleq û Dîn danê, ayê malimê tut û ciwanê Kurd rêxistinkenî û dima ra şiravenî camîyê Tirk û hina şiravenê çeteyên DAÎŞê T.C.
Seba nayê rê û rêbazan çend nîmûnê hinayê estî.
Yewin bajarê Wuppertal yê Almanya yo.
Yew malime Tirk yê bi name Murat Turk mektebe Almanya de bi hîşê Tirk-Îslamîyê tut û ciwanê Kurd erzenê domê xo û şiravena camîyê Fatîh yê Tirk.
Diyin bajarê Bochûm o.
No bajar de cadê Alle esto. No cadê de camîyek selefî-vahabîyan esta. Yew Mîdyatij bi name Huseyin Badur bi rayîrê na camîyê tut û ciwanê Kurd erzêno torê ceteyên DAÎŞ’ê T.C
Hîreyin bajarê Hannover o.
No bajar de di tutê Kurd yê bi name Emîne û Mahmut Sargin hetê çeteyên girêdayî dewlata Tirk ameyê rêxistinkerdiş û şiravitê çeteyên DAÎŞ’ê T.C. Merdimê welatparêz yê Kurd nê çîyê ferq kerdo û nê tutê ma Îstanbûl de fîrokxanêyê Ataturk de xelaskerdî.
Çarin zî bajarê Bonn o.
No bajar de taxê Markhaîm de yew camîyê Selefî-Vahabîyan esta.
Bi rayîra na camîyê ciwanê Kurd yê bi name Firat Apaydin amêyo xapnayîş şiravito mîyanê çeteyên DAÎŞ’ê T.C.  Dima ra dayî û bawê Firat şîye Hatay û MÎT’ê Tirk ra yewbîdîyayîş kerd o. MÎT’ê Tirk telefon kerdo serokçetê DAÎŞê û Firat ardo, dayî û bawê Firat, Firat ra yewbîdîyayîş kerdo. Dima ra reyna Firat şiravito mîyanê DAÎŞ’ê.
No nîmûnê tena serê xo eleqê MÎT’ê Tirk û çeteyên DAÎŞ’ê T.C dano nîşandayîş.
Gera pêronê keye, dayî û bawê Kurd tut û ciwanê xo sazîyê Tirkan ra dûr bivisnê. Gera yew tut û ciwanê Kurd nêşîyero camî, cemaat,komal, mekteb, şîrket û tarîkatê Tirk.
Pêronê keye, dayî û bawê Kurd gera nayê çîyan bivînê wayîrê tut û ciwanê xo bivejîyênê û gorê prensîbê welatparêzî tutanê xo weyî bikerê.