Lı gorî lijneyên kordînasyonan dê pêvajoya bêîtaetiya sivîl li Sûriyeyê dest pê bike û tê de ambargoyên li ser dibistanan, girtina dikanan û rawestandina kar hebe ji bo destpêkirina bêîtaetiyeke sivil a giştî li dijî rejîma Beşar Esad bê destpêkirin.
Daxuyaniya NATO'yê
Sekreterê Giştî yê NATO’yê Anders Fogh Rasmussen got ku bi tu awayî niyet û armanca wan a mudaxelekirina Sûriyeyê tune.
Piştî civîna wezîrên karên derve yên NATO’yê Rasmussen ji çapemeniyê re axivî û li ser pirsa rojnamegerek a ‘Gelo ger Tirkiye daxwaz bike dê NATO’yê mudaxeleyê Sûriyeyê bike’ wiha bersiv da: “Ji bo mudaxelekirina Sûriyeyê me hin şert û merc nedane pêş. Ji ber ku tu niyet û armanca me ya mudaxelekirina Sûriyeyê tune ye. Me ev yek çendîn caran diyar kir, lê ez dîsa destnîşan dikim: Ji bo Sûriyeyê niyeta NATO’yê mudaxelekirinê yan jî niyeteke wê ya din tune.”
Sekreterê Giştî yê NATO’yê Rasmussen der barê welatên Bahara Ereb de wiha axivî: “Em dixwazin di warê ku em dikarin nirxên wan berztir bikin de ji van welatan re bibin alîkar. Bo nimûne, di warê reformên ewlekarî û parastinê de asta pisporiya me dikare ji wan re sûdbexş be. Ji pergalên otokratîk veguherîna pergalên demokratîk de kontrolkirina demokratîk a parastin û ewlekariyê girîng e.”
ŞAM / BRUKSEL