EHMED EL-KIMYAN / ANHA / GIRÊ SIPÎ
Meclîsê Sûrîyeya Demokratîke (MSD) bi kombîyayîşê xo yo 6ê êlule ke Eyn Îsa de viraştbî de awanbîyayîşê Îdareyê Xoserîya Rojhelat û Vakurê Sûrîye kerdbî. No qerar Kongreya 3. de amebi girewtene.
Kombîyayîş de Sîham Qeyro û Ferîd ETî bîbî hemserekê ci û 5 dîwanê meclîsî amebî dîyar kerdene. Reyna Berîvan Xalide û Abdulhamîd El-Mîbaş zî sey Hemserekê Konseyê Caardişî yê Îdareyê Xoserî amebî weçînayene. Konseyê Caardişî nika zî amadekarîya îlankerdişê 10 konseyanê bînan keno. Komîteya Amadekarîye xebatan domnena û dima ra do 10 konsey û 7 buroyî bêrî akerdene.
Heto bîn ra bi awankerdişê konsey û buroyan do mabênê şar û Îdareyê Xoserî de koordîne bêro awan kerdene. Badê ke nê konsey û buroyî bêrî awan kerdene cîyayîya bac, vaya petrolî û resnayîşî orte ra bêrî wedarnayene. Endamê Komîteya Amadekarîye Hîkmet Hebîbî va ‘ma seba ke hîna baş xizmet bidî şarê xo, xebetîyenî’ û wina domna: “Konseyê ke bêrî awan kerdene do xoser bibî û heme binê banê MSDyî de ca bigîrî. Do îdarekarê herêmanê Dêrazor, Qamişlo, Tebqa, Reqa, Minbic, Kobanê, Efrîn, Cerablus, Girê Sipî û Hesekê ra bêrî weçînayene.”