Zey her serri, emser jî, bi wesîleyê rojbiyayinê Rayverê Şarê Kurd Abdullah Ocalanî meşê vera Amara viraziyeno. Meşê emser bi şîyarê "Rayver Apo rê azadî" viraziyo. Federasyonê Komeleyê Keyanê Giroteyan TUHAD-FED meşê qandê rojbiyayinê Ocalanî organîze keno. 2 û 3'ê nîsan de jî, xeylê cayanê Kurdistanî û Tirkiye ra bi hezaran kesê verê xo bidê dewa Amara. Verî 3'ê nîsan de sûka Xelfetî de jû şahiya girda viraziyo.
'Lazimo Rayver Apo azad bibo'
4'ê nîsan de jî, pîrozkerdinê rojbiyayinê Ocalanî, dewa Amara de dewam bikiro.
Hevserokê TUHAD-FED'î Mehmet Temîzyuz derheqê meşê qandê rojbiyayinê Ocalanî de qisey kerd û vat ki, azadiyê Ocalanî azadiyê heme kurdan îfade keno.
Temîzyuz vist vîrî ki 16 seriyo, iyê bi wastenê azadiyê Ocalanî, meşê Amara virazenê û vat: ''Qandê azadiyê Rayver Apo, vêşiyê 10 mîlyon îmzey kom bî. Hinî zîndan de tepiştinê Rayver Apo qebûl nêbeno. Lazimo Rayver Apo azad bibo. Ma 4'ê nîsan zey rojbiyayinê klasîk nêvînenê. 4'ê nîsan, meşê azadiyê şarê kurd îfade keno.''
Temîzyuz heme kurdistanij û çoşmanê demokratîk ra wast ki, bi rihê Newrozî tewrê meşê Amara bibê.
RIHA