Rojnameyanê Ewropa yê ê demî de Fata Reş Xanime sey “La Princesse Kurde” (Prensesa Kurde) yan “Amazona Kurde” û “Fatmaya Sîya ya Kurdistanî” name bîye. Kurdan aye rê naznameyê “Fata Nêrî” nabî pira. Seba ke Fata Reş serranê 1853-1856 de duştê ûrisan de da pêro, a dewleta osmanijan de sey “Mucahîdîna Kurde” bena namdare.
Prensesa kurd
Vanê, na cenîka kurde 300 esparan de pîya bîya meymana sultanê osmanijan Abdulmecîd I. Rojnameyê El Vakaî el-Misrîye 4’ê teşrîna peyên a 1877 de hûmara xo ya 730’ine de derheqê Fata Reş de nîya nuşt: “Derheqê prensesa kurde de ke sereka artêşî bîye, zaf qal bîyo. La goreyê agahîyo ke Stenbolî ra ameyo, nameyê na prensese Fatmaya Sîya ya. Wexto ke hêrişê tumî kerd, Fatmaya Sîyaye fermandara artêşî bîye. A zaf dewlemende û zaf rindeke bîye. Aye bi 500 eskeran duştê dişmenî de da pêro.”
Çi esto ke tarîxnasanê tirkan tim ceribna ke Fata Reş sey cengdara tirke bimusnê. Henî serra 1956 de yew fîlmo tirk vejîya ke tede vanê ke aye seba meseleya tirkan têkoşîn daya la raşta ci, a cenîka kurde bîye û peynîya seserra 19’ine de merde.
NAVENDA XEBERAN