Li Amedê refuj û duriyan bi destên jinan tên xweşikirin. Şîrketa ku Şaredariya Bajarê Mezin a Amedê ji bo xebatên zivistanê li hev kir beşek ji xebatên xwe ji bo Komeleya Şarmaşikê veqetand. Jinên ku ji Bankeya Zadê ya Komeleya Sarmaşikê û Projeya Piştgiriyê Perwerdehiyê sûdê werdigirin ên ji 20 kesan pêk tên vê xebatê dimeşînin. Jinên ku li nîv roj li ser xebatê perwerde bû piştre dest bi xebatên xwe kirin. Jinên ku bi kulîlkan kolanan xweşik dikin bi munasebeta 25'ê Mijdarê Roja Têkoşîna Şîdeta li Hemberî Jinan fularêm xemrî kirin stûyê û di xebatên xwe de jî şîdet şermezar kirin. Jinên ku kar û barên malê dikin, li zarokên xwe dinêrin, karên weke komkirini firdiq û pemboyê de dixebitin diyar kirin ku wan karê çandina kulîlkan ecibandine.
Mîmarê Peyzajê yê Şaredariya Bajarê Mezin a Amedê Yucel Akay der barê xebatên tên kirin de agahî da û diyar kir ku ew bi jinên ku vê xebatê dikin re ji bo 2 mehan peyman çêkirine û wiha berdewam kir: "Jin gelek jêhatî ne, karên 2 mehan dê meheke de bi dawî bikin. Karê niha dê hefteyeke de biqede." Akay destnîşan kir ku ew wekî şaredarî ji bo ku zivistanê jî li bajar dîmenên estekîk hebe û welatî di warê psîkolojîk de xwe rehet hîs bikin kulîlkan diçînin û wiha dirêjî da axaftina xwe: "Karê çandiniyê îsal me da komek jinên li Komeleya Sarmaşikê dixebitin. Em ji ber encamên heyî kêfxweş in. Ji ber kevneşopiyên feodal ên civakê zilam dihatin xebitandin lê em ji wan zêde encamê nagirin."

Rêvebera Komeleya Sarmaşikê Muge Tuzcu jî diyar kir ku ew alîkariyê didin malbatên ku ji jîngeha kedê hatine qûtkirin û wiha got: "Her tim em îstîhdama jinan difikirin. Peşniyarkirina Şaredariyê Bajarê Mezin a Amedê ji bo me fersendeke girîng bû." Tuzcu der barê pojeyê de wiha axivî: "Xebata jinan a di qada çandiniyê de ji bo me girîng bû. Jinên ku me hilbijart ên ku ji Komeleya Sarmaşikê hem alîkariya zadê digirin hem jî dayikên, zarokên ku ji Projeya Piştgiriya Perwerdehiyê alîkariyê digirin in."

AMED