Peynîya hîşyarîya Mudirîya Mintiqaya 15in a Meterolojîye Amed de dijnêka bi bilusk vara. Bi varayişê dijne Amed binê tarî de mend no ser zî wesayîtan bi lembaya xo encax rayîr de şîyê. Bulwara 75ina Amedî binê awe de mend û no ser zî rayîr ame grewtiş.
Qezaya Kayapinarê Amedî de banê ke qata zemîn de yê zafin binê awe de mendê û no ser zaf zirarê welatijan qewimya. Babete ser o welatij Mehmet Yildiz wina vat: “Peynîya varayişê dijne keyeyê ma binê awe mend, ma rewşa xo ra huyenê. Zaf kelmelê ma zirar dîyê ganî rayedaran zirarê ma ra çare bivînê.” Hewna rayedarê sîteyî Îbrahîm Bozkurt zî wina domna: “8 banê berbanî binê awe de mend la hetanî nika reyaderan çareserîyêk nêdîyê.” AMED