Çalakîyê protestoyî yê ke vera destsernayîşê şaredarîyanê Amed, Wan û Mêrdînî de yenî viraştene, roja 6. de dewam kenî. Amed de HDPyî waşt ke îzehetêko nuştekî bido çapemenîye, labelê dormeyê çalakgêran hetê polîsan ra ameyo girewtene.
Rayîrê Xarpêtî ke vernîya şaredarîye ra derbas beno, bi barîyer û wesayîtanê TOMAyan ameyo girewtene û dormeyê şaredarîye bitemamî girîyayo binê abluqayî. Destûr nêdîya îzehetê HDPyî û nêyî ser o Serekwekîlê Grûba HDPyî Sarûhan Olûç, xeylê parlamenter û bi seyan kesî çalakîya roniştişî daye destpêkerdene. Cadeyê Lîseyî ke çalakîya roniştişî yeno kerdene bi barîyeranê polîsan ameyo padayene.
AMED
Qirkerdişê sîyasîyî dewam kenî
Operasyonê tepiştiş û tewqîfkerdişî dewam kenî. Rojanê peyênan de Kurdîstan û Tirkîya de xeylê kesî ameyî tepiştene û tewqîfkerdene. Nê operasyonî vizêr Stenbol de zî ameyî kerdene. Polîsan eşt serê keyeyanê hemserekanê HDPyî yê qezayanê Pendîk, Bayrampaşa û Beşîktaşî yê Stenbolî ser.
Netîceyê ser eştişan de rojnamegerêk zî tede 11 kesî ameyî tepiştene. Hemserekê Pendîk û Bayrampaşa ameyî tepiştene, hemserekê Beşîktaşî seba ke keye de nêbi nêtepişîya. Ame vatene ke polîsan eşto keyeyanê îdarekaranê HDPyî zî ser.
Heta nika ê ke ameyî tepiştene, nameyê înan wina yê: Çetîn Aslanboga, Orhan Turker, Nedîm Genç, Aydin Kiliçdere, Fûrkan Akinci, Alî Kadîr Guler, Bîrkan Polat û rojnameger Taylan Oztaş.
Demê tepiştişî ame dergkerdene
Heto bîn de 19ê Tebaxe de 29 bajaran de pêro pîya 418 kesî ameybî tepiştene û nînan ra 84 kesî Amed de tepişîyaybî. Nê 84 kesan ra 40 kesî dima ra veradîyaybî. Seba 44 kesê ke tepişte mendî, demê tepiştişê heta 26ê Tebaxe ame dergkerdene.
44 kesê ke tepişte yî, nameyê înan wina yê: Abdulhalîk Eyyupoglu, Alî Îhsan Karahan, Avnîye Tanrikûlû, Ayhan Ateş, Behçet Îne, Cûma Alî Kaya, Çîgdem Ektî, Ercan Akto, Feyzî Demîrkiran, Feyzî Işik, Gonul Ogur, Habîb Akinci, Hatîce Makase, Huseyîn Agûzsoy, Îlhamî Yurek, Kemal Baran, Keskîn Bayindir, Mahmût Dag, Mahmût Ûlûs, Mahmût Yokûş, Mehmet Ayaz, Mehmet Bakir, Mehmet Dogan Unal, Mehmet Esen, Mehmet Gunduz, Mehmet Nesîh Guleç, Mehmet Suslu, Mehmet Uzel, Muzaffer Ûlaş, Necmettin Bûrakmak, Recep Adsay, Sakîne Karadenîze, Seher Tumer, Sercan Dogan, Sevîm Bîçîcî, Sûat Aslan, Şehmûs Dokû, Şemsettîn Yilmaz, Tarik Zafer Yazigan, Tumen Anli, Vedat Dag, Velî Mûtlû, Zahît Çîftkûran, Zelal Bîlgîne.
AMED