Dima ke antrenorê Amedsporî Sertaç Kuçukbayrak îstîfa kerd,taximî antrenorêko newe dir peyman girê da. Entraîneur Mehmet Budakin ke enka berpirsîyarê Tîmanê Neteweyî yê Başûrêrojawanê Tirkîya bi, go enka ra pey hem nê karê xo, hem zî antrenorîya Amedsporî têdir bidomno.
Serekê Amedsporî Ali Karakaş û endamê îdarekarî qerar da ke Budakinî zey antrenorê Amedsporî qebul bikerê. Dima ra Karakaş û Budakinî peyman îmze kerd.
Budakin ciwanîya xo de Melîkahmetspor de kay kerdbi. Dima ra Diyarbakirspor de hem kaptanî, hem antrenorîye kerdbî û enka zî bi antrenorê Amedsporî. Faruk Turk, Kayahan Sumbul, Suleyman Arpan û Mesut Unal (antrenorê qeleparêzan) zî bî hetkarê Budakinî.
Budakinî dimayê îmze wina va: "Mi di demê awankerdişê Amedsporî (O wext Melîkahmetspor bi) kay kerd û ez enka reyna ageyrawa keyeyê xo. Ez zehf kêfweş a. Ezo bi ekîbê xo dir seba serkewtişê Amedsporî bixebetîya."
AMED