Bi wesîleya Hewteyê Îtfayîya taximê Amedsporî bi pankartê “Hewteyê Îtfaîya Pîroz bo” vejîya seha. Taximê Îstanbulsporî zî bi pankartê “Ewil Welat” vejîya seha. 45 deqîqaya ewilî ya maçî de taximêk nêeşka gol bierzo qeleya yewbînî û maç o-o qedîya. Taximê Amedsporî 45 deqîqaya bîne ya maçî de zaf hewl dest bi maçî kerd û bi golê sporbazê Amesporî Mansur Çalarî 1-0 kewt vernî. Amdespor dima ra xeylê firsendî qezenç kerdî la nêeşka bixebitno û musabaqa 1-0 bi qezencê Amedsporî qedîya.
Amedspor lig de rêza 2. de ya
Bi no qayde Amedsporî puanê xo kerdî 8 û lig de resa siraya 2yîne. Kaykerdişê maçî ra dima Hemserekanê Şaredarîya Girde Firat Anli û Gultan Kişanake, seba serkewtişê Amedsporî Serekê Kûluba Amedspor Nurullah Edemanî pîroz kerd û musabaqayanê binan de înan rê serkewtiş waşt. Rojnamegeranê ke maç temaşe kerd zî sporbazan de ameyî têhet.
AMED