Nayê ra 34 serrî ra avê ke Kawayane na demî bedenê xo de zîndanan de vesnayena adirê Newroza tekoşîna serbestiye kerdê berz. Zîndanan ra koyan no adir vila bi û jû şaro ke nêno çokanê xo ser vejiya werte. Mazlûm Dogan 1982 de adirê Newroz bedena xo de kerd we. Zîndan ra vilayê welat bî.
Ceniyanê kurd mîras dewr girot
Zekiye Alkan na silayene rê cewab Sûr ra roşt kerdena Amed da. Canûkanê kurdî endî tarixê xoverdayiş de na mîras dewr guret.Zekiye Alkan, canûka sifteyîna ke biyê Newroz. Rayverê Şarê kurdî Abdullah Ocalan çalakiya Zekiye Alkan sero niya va: “Mîsala cesaret û fedakariye. Şoreşanê Dîna û şoreşa Kurdistan eke cenî nêbiyayî şoreşa de leteya. Şoreşanê sosyalîst û Kurdistan de cenî rolê xo kay bikerê. Canûkê kurdî çixaş bi roşt honde gam bi gam resenê serbestiye. Xoser ameyena înan xoser ameyena Kurdistana.“
Bedenî açarniyay kila adirî
No meşelayo ke dest bi dest feteliya na reye metropolanê Tirkiya de ame wekerdene. 1992 de verra komkistenanê ke dewleta Tirk Kurdistan de dinê ramitene Îzmîr Kadîfekale de Rahşan Demîrel a 17 serrîne biyê Newroz bedena xo de kile kerdê gur. Qeseyanê Rahşan “Ez Kadîfekale de xo kon Newroz. Merdîn, Cizîr û Nisêbîn rê bivîme cewab” tarix de cayê xo guretî.
1994 de no adir Awrûpa ra Kurdistan roşt kerd. Sîstema kapîtalîst û polîtîkayanê qirkerdene yê dewleta Tirk rê cewab onca ceniyan ra ame.1994 de Bedriye Taş bi namê kod Ronahî û Nîlgun Yildirim bi namê kod Berîvan taritîyo ke Kurdistan ser bî, adirê bedena xo ya kerdê roşt. Ocalan na çalakiya di ceniyan sero vatî bî: “E ke azadî hîn rehet biamene guretene do Ronahî û Berîvan adir nêestene bedena xo.’’
Sema Yuce jê Mazlûm Dogan zîndan ra verra zilm adirê serbestiye kerd we.1998 de bedenê xo de adirê Newroz kerd we û peyê xo de na namê ca verda: “Wazon mezg, zerrî û bedena xoya 8’ê Adare ra heta Newroze jû pird (kopru) ronime. ‘’
Roşta Newroz welatî roşnî kena
Yûnanîstan de kî jû şoreşgera enternasyonalîst Elefterîa Fortulakî 24ê Adare 2006 de 23 serrî de peyê Newroz de adir est bedena xo û nameya ke peyê xo de verda vat: Ez Kurdistan jê welatê xo vînena. Jê Zekiye Alkan, Sema Yuce, Ronahî, Bêrîvan û Rahşan Demîrel ez kî emserr Newroz bimbarek kon. Tene herey mendeno. Ewro roşta Newroz koyan ra welatan kena roşt. Rojhilat ra hata Vakur, Başûr Rojawa çaraxiyê cemê serbestiye.
Meral KUÇUK