Kar û xebata rêxistinî ewcara ramite. Na xebata xo ya xelasiya şarê bindestî bi zanayişo xurt û bi baweriya gird kerde. Na xebata tenê bi armancê xelasiya şaran heskerdişêko gird dekerd beyntarê şarê Rojhilata Miyanîn. Herî zêde zî şarê rojhilati şaro kurd pê bawerî arde.
Wexto şerê çekdarî (1984) dest pê kerd zêdera şarê rojhilatî, ciwanê yine na rêxistinerê wayir vecyay. Herî zêde yine bawerî bi na rêxistine arde. Di riyê dinya de çiqas kurdî estbê zerê yine de ca girewt. Bî heskerdoxê temamê kurdan.
Wexto aloziye Sûrîye de virazya, bi hesretê se sere, bi vîn û baweriya SEROKÊ xo , bi felsefe û bîrdoziya rêxistinî KANTONÎ awankerdî. Zanê senin xoseriya xo virazê. Zanê senin xo rayera berê. Fehm û feraset SEROKÊ şarê kurdî ra girowtbi. Bi na zanistî xoseriya demokratik reyara berdê. Sazî û dezgehê xo awan kerdî. Wextêko kilm de temamê şarê yê kantonan bawerî ya xo bi xo arde.
Ti cudayî ya etnik an zî ol û mezheb nêvirazya. Temamê etnik (netew) ol û mezheban xo tede dî la mixabin neyar rehet nêvindert û rehetî nêwaşt bidê yine. Serede hukumetê AKP ku serê hukumetî ERDOGAN bi. Her wext bî asteng duşt (qarşî) ê yinede. Bi hetkariya OSO, EL Nusra û DAIŞî yeriş berde yê kantonan serde.
No nizdiya hîrê mengiyo zî DAIŞ biyo belê serê kantona KOBANÎ. Xoverdayişê şarê Kobanî û şervanê YPG, YPJ duşt zilmê DAIŞî, na rey bî heskerdoxê temamê cîhanî. Temamê dinya xoverdayişê yinera heyirî mende. DAIŞ Mûsil ra dest pê kerdib heta Kobanî. Tu hêz duşt yine nêvindert bi. A semed ra erdoganî vat; “Ha kewt ha kuno.”
La bawermendanê Kobanî û şarê kurdî vat; “Nê kewt û nê zî kuno” . Bi yew veng 6 û 8 ê menge temamê dinyade qîray. Dinya bi xo û bi Erdoganî hesna. Nika raynê hukumetê AKP wazen Kobanî bifîno. Na rey neqevê Murşîtpinarî ra maşîn (wesaît)ê înfîlaqî rêşaweno. Vano qey go kes nêvîno, nêzano na maşîne çara şiya. Tenê maşîne nê çetan zî şiraweno.Di seriyo şima şinê SEROKî bar.
Tim û tim yeno vatiş; ‘diyaloxera derbasê muzakerey bibê’. Na rêxistinî 1978 de dewa FÎS de ameya awankerdişe. 1984 de şerê çekdarî dest pê kerdo. Ende seriyo lînganê xo sero vinderta. No 37 serîde çend hukumetî amey viraştiş û weşayayî la na rêxistine tim paya. Temamê kemî netewan, ol û mezheban rê biya omûd. Servegera caye senin ameya pîrozkerdişe zî ma hemine çimanê xo verde dî.
Ma vînenî bi xoverdayişê ŞENGAL, MEXMÛR û KOBANî de çiqas dostê yine virazyay. Bêrê hemay erey niyo goş bidê sewtê aştî. Destê aştî ku amewo raderg kerdişe hewara meverdê. Kobanî merdimatiyerê biyo cawo pîroz.Zey zanyarêke vato: “Çaro wa nêbo heşt. Heşt wa nêbo şiyês”.
Memed DREWŞ