Heyf ke roj bi roj zî no herbo qilerin beno gur, beno hîra û xorî. Ver bi şidetê dewletî, her roj ciwanê mirenê. Bîya qêrîna dayîkan, zaf zî bîya hawarîna dayikanê leşkero feqîr û cangorîyên ciwanê... Heyf ke zerrê dayîkan tena nê veşena, yew welat seranser veşeno, bîya firafira adir, kil sey awe behr pel dana, her cayê welat. Yeno waştişTirkîya sey Surîyê xirabe bo. La weşerê raya pêro û taybetî birayo tirk hewno xorî de yo, no herbo qilerin nêvîneno, nêwaneno. No zî dej dano, zirar dano biratîya şaran, zirar dano ravêreyey, zirar dano perspektîfa Ocalan(rihî newrozî 2013).
Heyf ke herb roj bi roj zî beno giran, tehrîbat zedê beno. Çende nê roje giranî raverenê zî sebebî îlanî inî herb de waştişê AKP û Erdogan tayna bena aşkera. Kî no yew îtham nîyo, pêro cîhan pê zano, pê qise zî keno, no herb herbê AKP û Erdogan o û fîîlen şaro kurd ser beno. Ewro raya pêro cîhanê qarena, vana hawar! Herb rayireko şaş o. Eman, yeman! Mekerê. Aqubetî Tirkîya beno aqubetî Surîyê. Hawar! Tirkîya têk şina. Ayera şarê cîhanê wazeno, zaf zî şaro kurd û tirk wazeno derhal adirbestî îlan bo. La AKP û Erdogan herbkerdişî de israr kenî. Medya kerda tarî, wa veng nîşo keso bi wijdan. Wa kes xirabekerdişîya Kurdîstano rengîn nîşinawo.
Êyî ke roşnî Tirkîya kerdê tarî, êyî ke ewro zerar danî aqubetî şaranî, qabî xo bi zanayiş kenî. Aşkera-aşkera lişînîya xo zî îtîraf kenî. Mesaj danî, vanî ‘şima raya xo da xo, û şima aşkera- aşkera serektîya hukimranîya Erdogan nîpejirna ayera ona bi.’ Yanî no qiweto hukimran û herbker şarî ra vano, dewlet baqîya, kiştişî şima meşru yo. ‘Bi aqil bênê…! Şima çinê. Îradeyê şima çino, hukmî HDP çino.’
AKP û Erdogan akerde wazenê îrade şarê bi şiknî, çimê şarê kurd bi tersnî. Pêrkînî qezencî kurd û şaranê veteran tarumar bikî. Yew kelîme wazenê çîn kerdina şaran û tekperestîya xo dewam bikêre. Sebebo ke ewro Kurdîstan de şaristanî xirabe bîyê, awahî reşîyaye, kuçê û kolanê Kurdîstan abluka de yê, awe û ceyrana şarê kurd ameyê birnayiş. Merdim yenê kiştiş, ciwan û tutê kurd, û rehîneyên sîyasî mirenê se, û sebebo ke şaro kurd nêçarî koçberî manenê se, mesele aşkere ya, mesele bê tehemulî ya, AKP herbî îrade kena.
Tabî, sebebo ke qada cemate kurd de şaro kurd bêters, bêfikar xo ver ro dano, yew welato demokratîk ser îrade beyan keno, bîyê hedefe AKP. Wazena, wa kurd kurdo teslîm bîyayê û pêro kurd kurdîy dewletî bibî. Herbker demokrasî û azadî nêwazeno. Aye ra, herbker tehemulî îradeyê şarî nêkeno. Herbker vano no cîhanê yew heqê kurdî est o, ancex şikeno yew welatî bo. Aye ra, hêza herbker nêwazenê şar bêro têhet. Nêwazenê şar mîyanê dîyalog de bo. Senî ke 7’ê hezîrane de weçînayîşê pêroyîn de şar ame têhet, tercîhî kerd va îrade mi HDP ya, tefil duman virazîya. Şar herb nêwazeno, labelê a roje ra nat AKP herb wazena, gunî rijnena. AKP herbî îrade kena.
Mistefa ŞAHÎN